АДМИН
Улс хоорондын 110 кВ-ын С-458 буюу “Улаангом-Чадан” цахилгаан дамжуулах агаарын шугамыг засварт гаргаж, ОХУ талаас графикт агаарын шугмын урсгал засвар, Баруун Бүсийн Эрчим Хүчний Системээс уг шугамыг хүчитгэх засварын ажлууд 9-р сарын 20-ны 06:00 цагаас 9-р сарын 22-ний өдрийн 20:00 цаг хүртэл хугацаанд хийгдэж байна. Энэ нь ОХУ-той урьдчилан тохирсон графикийн дагуу хийгдэж байгаа ажил бөгөөд энэ хугацаанд Дөргөний усан цахилгаан станцаас Увс, Баян-Өлгий, Ховд аймгийн төвийн онцгой хэрэглэгчдийг эрчим хүчээр ханган ажиллаж байна. Засварын ажлын талаар хэрэглэгчдэд зар түгээн мэдээллэсэн бөгөөд орой бүр 20:00 цагт бүх хэрэглэгчдийг залгаж ажиллана.
Эх сурвалж: Монгол улсын эрчим хүчний яам
|
Нийгэм
