АДМИН
Өнгөрөгч 2020 оны 7 сарын 31-ний өдөр Налайх дүүрэгт байрлах “Тэнгэрийн энерги” бясалгалын төвөөс 25 настай эмэгтэй О сураггүй алга болж түүнийг онцгой байдлын газар болон цагдаагийн байгууллагаас хоёр сар гаруй хугацаанд эрэн сурвалжилсан ч үр дүнд хүрээгүй тул ар гэрийнхнийх нь хүсэлтээр ажиллагааг зогсоож байсан.
Тэгвэл өнгөрсөн шөнө тухайн эмэгтэйн цогцос Налайх дүүргээс олджээ.
Нийслэлийн Налайх дүүргийн 6 дугаар хороонд нүхэнд хүний цогцос олдсон гаргахад тусламж хэрэгтэй байна гэсэн дуудлагыг дүүргийн цагдаагийн хэлтсээс 10 сарын 11-ний өдрийн 16:45 цагт дүүргийн Эрэн хайх, аврах бүлгийн алба хаагчид хүлээн авч 30 км замыг туулан 17:36 цагт очиж 4 метрийн гүнтэй нүхэнд байсан цогцсыг 9 минут ажиллаж гарган тус дүүргийн цагдаагийн хэлтэст хүлээлгэн өгсөн.
Цогцсыг шүүхийн шинжилгээний хүрээлэнд хүргүүлж, үхлийн шалтгааныг тодруулахаар ажиллаж байгаа ба талийгаач нас бараад удсан гэж урьдчилсан байдлаар дүгнэжээ.
|
Нийгэм
