АДМИН
Дундговь аймгийн Адаацаг сумын Сүм багийн Бага газрын чулуу гэдэг газар 2021.11.20-ны өдрийн 12:00 цагийн орчим 2 хүн мотоциклтой яваад сураггүй болсон тухай дуудлагыг мөн өдрийн 23:00 цагт Онцгой байдлын алба хаагчид хүлээн авчээ.
Тус аймгийн Онцгой байдлын газрын Гал түймэр унтраах, аврах 25 дугаар ангийн алба хаагчид, сумын Засаг даргын Тамгын газрын ажилтнууд иргэн Ц /31 настай, эрэгтэй/, иргэн Б /28 настай, эмэгтэй/ нарыг эрэн хайх ажиллагааг 2021.11.12-ны өдрийн 01:30 цагаас зохион байгуулж, цаг агаарын нөхцөл байдлаас шалтгаалж 04:10 цагт түр зогсоосон байна.
Эрэн хайх ажиллагааг 11.21-ний өдрийн 08:00 цагаас эхлэн зохион байгуулах явцад тухайн 2 иргэн айлд хоночихоод гэртээ эсэн мэнд ирсэн тухай мэдэгдсэн тул эрэн хайх ажиллагааг 2021.11.21-ний өдрийн 10:26 цагт зогсоожээ.
|
Нийгэм
