АДМИН
Ховд аймгийн Чандмань сумын Талын булаг багийн “Дөргөн” нуур гэдэг газар /аймгийн төвөөс зүүн урд зүгт 240 км, сумын төвөөс зүүн урд зүгт 70 км/-тСуудлын автомашин 1 зорчигчтой “Дөргөн” нууранд мөс цөмөрч живсэн тухай дуудлагыг 12.07-ны өдрийн 10:55 цагт хүлээн авсан. Тус аймгийн Онцгой байдлын газрын Эрэн хайх, аврах ангийн алба хаагчид 250 км замыг туулан 16:20 цагт очиж Говь-Алтай аймгийн Хөхморьт сумаас Ховд аймгийн Чандмань сумын чиглэлд зорчиж явсан иргэн М-ийн /31 настай, эрэгтэй/ эзэмшлийн “Мусо-Пикап” загварын суудлын автомашин “Дөргөн” нуурын мөс цөмөрч живсэн байсныг 2 цаг 40 минут ажиллаж татан гаргаж иргэн М-д хүлээлгэн өгсөн. /Нуурын эргээс 10 метр зайтай живсэн, нуурын гүн 5 метр, жолооч, зорчигч 2 өөрсдөө гарсан./
Эх сурвалж: Онцгой байдлын Ерөнхий газар
|
Нийгэм
