УОК-ын Нэгдсэн шуурхай штабын дарга, бригадын генерал Б.Ууганбаяр өнөөдөр /2021.12.08/ НЭМГ-ын Нийтийн эрүүл ахуй, халдвар өвчний хэлтсийн дарга Ш.Тэгшбаяр, Налайх дүүргийн Эрүүл мэндийн төвийн дарга Л.Байгал нарын холбогдох албаны хүмүүсийг хүлээн авч уулзлаа. 

Дэлхийн эрүүл мэндийн байгууллагын санхүүжилттэй төслийн хүрээнд нийслэлийн хэмжээнд дүүргүүдийг түшиглэн коронавирусийн халдварын тусламж үйлчилгээ, хариу арга хэмжээний төлөвлөлт, тандалт, цаашид хэрэгжүүлэх арга хэмжээ, шуурхай удирдлагын нэгж байгуулах, эрхзүйн баримт бичгийг боловруулах зэрэг ажлууд хийгдэхээр төлөвлөгдөж байна. 

Энэ хүрээнд Налайх дүүргийг түшиглэн бүх дүүргүүдийн онцгой комисс, шуурхай штабын бүрэлдэхүүнийг чадавхижуулах зорилгоор тус дүүргийн Эрүүл мэндийн төвөөс Шуурхай удирдлагын нэгж байгуулах, эрхзүйн баримт бичгийг боловсруулах сургалт, дадлагыг энэ сард зохион байгуулахаар төлөвлөж байна.  Тус сургалтаар  монгол улсад нэвтрүүлж буй ослын үеийн удирдлагын систем, газар хөдлөлт, гамшиг, ослын үед хойшлуулшгүй шуурхай хариу арга хэмжээ авч ажиллах Онцгой байдлын ажиллагааны төв байгуулах шаардлагын талаар нэгдсэн ойлголт өгөх, хамтран ажиллах чиглэлээр мэдээлэл солилцлоо.