Дорноговь аймгийн Хатанбулаг сумын Эргэл багийн “Хойд жаргалант” гэдэг газар /аймгийн төвөөс баруун урд зүгт 240 км, сумын төвөөс хойд зүгт 7 км/-т Тус сумын харьяат иргэн А 12 сарын 01-ний өдрийн 15:00 цагийн орчим мотоциклоор малын эрэлд яваад сураггүй болсон тухай дуудлагыг 12 сарын 07-ны өдрийн 08:00 цагт хүлээн авсан. Тус аймгийн Онцгой байдлын газрын Гал түймэр унтраах, аврах 33 дугаар ангийн алба хаагчид, сумын Засаг даргын Тамгын газрын ажилтнууд иргэн А /33 настай, эрэгтэй/-ыг эрэн хайх ажиллагааг 12 сарын 12-ны өдрийн 08:00 цагаас 17:30 цаг хүртэл зохион байгуулсан. 12 сарын 13-ны өдрийн 08:00 цагт эрэн хайх ажиллагааг дахин эхлүүлсэн.

Мөн Хэнтий аймгийн Галшар сумын Оч багийн “Зүүн-Өлзийт” гэдэг газар /аймгийн төвөөс баруун урд зүгт 230 км-т, сумын төвөөс баруун хойд зүгт 70 км-т/ Тус сумын харьяат малчин А 12 сарын 08-ны 01:00 цагийн орчим гэрээс гараад сураггүй болсон тухай мэдээллийг 12 сарын 11-ний өдрийн 11:20 цагт хүлээн авсан. Тус аймгийн Онцгой байдлын газрын Бор-Өндөр сум дахь Онцгой байдлын хэлтсийн Гал түймэр унтраах, аврах 49 дүгээр ангийн алба хаагчид, сумын Засаг даргын Тамгын газрын ажилтнууд малчин А /45 настай, эрэгтэй, сэтгэцийн эмгэгтэй/-ийг эрэн хайх ажиллагааг 12 сарын 12-ны өдрийн 09:00 цагаас 18:30 цаг хүртэл зохион байгуулсан. 12 сарын 13-ны өдрийн 08:00 цагт эрэн хайх ажиллагааг дахин эхлүүлсэн.

Сүхбаатар аймгийн Баяндэлгэр сумын Хонгор багийн “Өлзийт хоолой” гэдэг газар /аймгийн төвөөс баруун урд зүгт 250 км, сумын төвөөс зүүн хойд зүгт 13 км-т/ Тус сумын харьяат иргэн Г 12 сарын 1-ний өдөр гэрээсээ явган гараад сураггүй болсон тухай мэдээллийг 12 сарын 12-ны өдрийн 13:08 цагт хүлээн авсан. Тус сумын Засаг даргын тамгын газрын ажилтнууд иргэн Г /40 настай, эрэгтэй, хөгжлийн бэрхшээлтэй/-ыг эрэн хайх ажиллагааг 12 сарын 12-ны өдрийн 13:30 цагаас 19:30 цаг хүртэл зохион байгуулсан тухай мэдээллийг тус сумын Засаг даргын Тамгын газрын дарга аймгийн Онцгой байдлын газарт ирүүлсэн.12 сарын 13-ны өдрийн 08:00 цагт эрэн хайх ажиллагааг дахин эхлүүлсэн.  

Эх сурвалж: Онцгой байдлын Ерөнхий газар