АДМИН
Сүхбаатар аймгийн Баяндэлгэр сумын Хонгор багийн “Өлзийт хоолой” гэдэг газарт тус сумын харьяат иргэн Г-нь 12.11-ний өдөр гэрээсээ явган гараад сураггүй болсон тухай мэдээллийг 12.12-ны өдрийн 13:08 цагт хүлээн авсан. Тус сумын Засаг даргын Тамгын газрын ажилтнууд иргэн Г /40 настай, эрэгтэй, хөгжлийн бэрхшээлтэй/-ыг эрэн хайх ажиллагааг 12.13-ны өдрийн 09:00 цагаас 14:50 цаг хүртэл зохион байгуулж, тус сумын Дөхөм багийн “Бурхи” гэдэг газар /сумын төвөөс баруун зүгт 7 км, гэрээс нь баруун хойд зүгт 15 км-т/ айлын өвөлжөөн дээрх цоожтой гэрт гал түлсэн байдалтай байсныг эсэн мэнд олж, ар гэрийнхэнд нь хүлээлгэн өгсөн тухай сумын Засаг даргын Тамгын газрын дарга мэдээлсэн.
Эх сурвалж: Онцгой байдлын ерөнхий газар
|
Нийгэм
