АДМИН
Хэнтий аймгийн Цэнхэрмандал сумын Баянмод баг “Эмгэн толгой” гэдэг газарт Иргэн О /50 настай, эмэгтэй/ 2021.12.08-ны өдрөөс хойш сураггүй болсон тухай мэдээллийг 2021.12.20-ны өдрийн 12:00 цагт Онцгой байдлын алба хаагчид хүлээн авсан байна.
Тус аймгийн Онцгой байдлын газрын Гал түймэр унтраах, аврах 32 дугаар ангийн алба хаагчид 145 км замыг туулан 14:10 цагт очиж, Баянмод баг “Эмгэн толгой” гэдэг газраас баруун урд зүгт 3 км-т нисгэгчгүй нисдэг аппарат /дрон/-аар, Тус сумын Засаг даргын Тамгын газрын ажилтнууд, орон нутгийн иргэд “Эмгэн толгой” гэдэг газраас баруун зүгт 4 км-т “Шивэртийн хөндий” гэдэг газар хүртэл эрэн хайх ажиллагааг зохион байгуулж 17:00 цагт түр зогсоожээ.
Өнөөдөр буюу 2021.12.21-ний өдрийн 07:00 цагт дахин эхлүүлнэ.
|
Нийгэм
