ЗХЖШ-ын Гэмт хэргээс урьдчилан сэргийлэх, дэг журам, сахилга хариуцлагыг бэхжүүлэх салбар зөвлөлийн ээлжит хуралдааныг өнөөдөр зохион байгуулсан байна.

Тус хуралдааныг ЗХЖШ-ын нэгдүгээр орлогч дарга бригадын генерал С.Ганбямба удирдан явууллаа. Хуралдааны эхэнд ЗХЖШ-ын Цэргийн албаны хэлтсийн дарга хурандаа Н.Лхагвасүрэн ЗХЖШ-ын Гэмт хэргээс урьдчилан сэргийлэх, дэг журам, сахилга хариуцлагыг бэхжүүлэх салбар зөвлөлийн болон ЗХЖШ-ын Зохион байгуулалтын бүтцийн нэгжүүд, төрлийн цэргийн командлал, Барилга-инженерийн цэргийн удирдах газар,  нэгтгэл, ангиудын салбар зөвлөлийн 2021 оны нэгдсэн тайлан, ирэх оны үйл ажиллагааны төлөвлөгөөг танилцуулав.

Үргэлжлүүлэн ЗХЖШ-ын нэгдүгээр орлогч бригадын генерал С.Ганбямба энэ онд гарсан гэмт хэрэг, осол, сахилгын зөрчилд дүгнэлт хийж, ЗХЖШ-ын Зохион байгуулалтын бүтцийн нэгж, Төрлийн цэргийн командлал, Барилга-инженерийн цэргийн удирдах газар, нэгтгэл, анги, байгууллагуудын салбар зөвлөлийн дарга нарт үүрэг даалгавар өгч, хэрэгжилтийг ханган ажиллахыг анхаарууллаа.

Ийнхүү ЗХЖШ-ын салбар зөвлөлийн ээлжит хуралдааныг өргөтгөсөн байдлаар зохион байгуулж, тулгамдсан асуудал, цаашид хэрэгжүүлэх ажил, арга хэмжээг тодорхойлсон аж.

Тус хуралдаанд ЗХЖШ-ын Гэмт хэргээс урьдчилан сэргийлэх, дэг журам, сахилга хариуцлагыг бэхжүүлэх салбар зөвлөлийн гишүүд болон ЗХЖШ-ын Зохион байгуулалтын бүтцийн нэгж, төрлийн цэргийн командлал, Барилга-инженерийн цэргийн удирдах газар,  нэгтгэл, ангиудын салбар зөвлөлийн дарга, гишүүд оролцож, өргөтгөсөн байдлаар зохион байгуулав.