АДМИН
Баян-Өлгий аймгийн Онцгой байдлын газарт өнөөдөр(2022.01.01) өглөөний 06:42 цагт Өлгий сумын 4 дүгээр багийн нутаг дэвсгэрт гал гарсан гэх дуудлага аймгийн Онцгой байдлын газарт иржээ.
Дуудлагын дагуу Онцгой байдлын алба хаагчид гал гарсан газарт ирэхэд айлын хашаанд хураалттай байсан 1012 боодол өвс шатаж байжээ. Тус хашаа нь "НИК Петровис" компанийн шатахууны агуулахын хажууд байрласан бөгөөд гал сөнөөгчид шуурхай арга хэмжээ авч, 5 цаг гаруй ажиллаж галын тархалтыг зогсоов.
Тус ажилд 17 алба хаагч 3 нэгж техникээр үүрэг гүйцэтгэж байгаа аж. Гал гарсан шалтгааныг тогтоохоор Цагдаагийн байгууллагын алба хаагчид ажиллаж байна.
|
Нийгэм
