АДМИН
Амгалан дулааны станцад тог тасарснаас сүлжээний насос зогсчээ. Үүнээс шалтгаалан ажиллаж байсан зуухнууд дээрх ус уур болон хувирч хотын дулааны сүлжээний даралт эрс өссөн байна. Одоогоор 2 газар дулааны сүлжээнд гэмтэл илэрсэн. УБДС ХК-ийн 2 бригад гэмтэл засварлах ажлыг хийж байна.
Хотын зүүн талын дулаан хангамж тасалдсан. УДДТ- үүд дээр хүйтэн усаар нь эргүүлж байна.
Амгалан дулааны станцын гаралтын тойруу хаалтны гагнуур дууссаны дараа зүүн хэсгийн дулаан хангамжийг сэргээнэ. Амгалан дулааны станц дээр ЭХЯ-ны ТНБД-аар ахлуулсан баг, УБДС ХК-иас нэмэлтээр гагнуурчид ажиллаж байна. 1 УДДТ-ийн усыг бүрэн буулгасан. Бусад нь залгагдахад бэлэн болсон ба ОСНААУГ болон хувийн ОСК-иуд бэлэн байдалд байна. Нэмж гол шугаманд гэмтэл илрэхгүй бол ойролцоогоор 3 цагийн дараа сүлжээг дүүргээд залгаж хэрэглэгчдийн халаалтыг өглөө гэхэд бүрэн сэргээнэ хэмээн Шуурхай штабаас мэдээллээ.
|
Нийгэм
