Олимпын наадмын дөрөв дэх өдөр буюу хоёрдугаар сарын 8-нд 12 төрлийн тэмцээн уралдаан явагдаж, нийт 10 багц медалийн эзэд тодорно.

УУЛЫН ЦАНА

Яньчин дахь уулын цанын төвд эрэгтэйчүүд өглөө 11 цагаас эхлэн супер-жи төрөлд медалийн төлөө өрсөлдөнө. Энэ төрөлд 47 тамирчин өрсөлдөхөөр болжээ. 

ГҮЙЛТИЙН ЦАНА

Жанчхүү дахь гүйлтийн цанын төвд эрэгтэй, эмэгтэй спринт зайн уралдаан 16 цагаас эхэлнэ. Харин медалийн төлөөх уралдаанууд 19:47-д эхлэх юм. Энэ төрөлд манай хоёр тамирчин Б.Ачбадрах, А.Энхтуул нар уралдах билээ. 

КЁРЛИНГ

Олимпын наадмын салхийг хагалж эхэлсэн кёрлингийн холимог хосын тэмцээн өнөөдөр өндөрлөнө. 14:05 цагаас Швед, Их Британийн багууд хүрэл медалийн төлөө тоглох бол 20.05-д Итали, Норвегийн шигшээ аваргын төлөө өрсөлдөх юм. Дөрвөн жилийн өмнө энэ төрөлд багууд Канад, Швейцар, Норвеги гэсэн дарааллаар байр эзэлж байв.

УРАН ГУЛГАЛТ

Өнөөдөр эрэгтэй ганцаарчилсан төрлийн богино үзүүлбэр 09:15-д эхэлнэ. Олимпын хошой аварга Японы Юзүрү Ханю тэргүүтэй 30 тамирчин энэ төрөлд өрсөлдөх юм. 

ФРИСТАЙЛ

Эмэгтэйчүүдийн биг эйр төрлийн урьдчилсан шат 10 цагт эхэлж, шигшээд үлдсэн тамирчид 10:45-аас эхлэн медальтнуудаа тодруулах болно. 

ХОККЕЙ

Эмэгтэйчүүдийн хоккейн тэмцээний хэсгийн сүүлийн тоглолтууд өнөөдөр болно.

А хэсэг

12:10 АНУ-Канад

21:10 Финланд-Оросын ҮОХ

В хэсэг

16:40 Япон-Чех

21:10 Швед-Дани

ЧАРГА

Эмэгтэйчүүдийн ганцаарчилсан төрлийн уралдаан 19:50-д эхлэх бол медалийн төлөөх гараанууд 21:35-аас эхэлнэ. 

ЦАНЫН ХОЁР ТӨРӨЛ

15:30-аас албан ёсны бэлтгэлийн уралдаантай.

СНОУБОРД

Эрэгтэй, эмэгтэй паралель жиант слаломын төрлийн медальтнууд өнөөдөр тодорно. Хасагдах шатны уралдаан 10:40-д эхлэх бөгөөд шөвгийн найм 15:06-д, хагас шигшээ 15:36-д, финалын уралдаанууд 15.43-д эхлэх хуваарьтай байна. 

ГҮЙЛТИЙН ТЭШҮҮР

18:30-д эрэгтэйчүүдийн 1500 метрийн уралдаан эхэлнэ. Нийт 30 тамирчин энэ төрөлд өрсөлдөх бөгөөд цагийн үзүүлэлтээр медальтнууд тодрох юм.