АДМИН
“Архангай орон сууцны корпораци” орон нутгийн өмчит ХХК байгуулах Засаг даргын санаачлагыг аймгийн ИТХ-ын 5-р хуралдаанаар хэлэлцэн баталлаа.
Аймгийн Засаг даргын 2020-2024 оны үйл ажиллагааны хөтөлбөрт:
- 2.3.4 Аймаг, сум, хот, тосгоны газар зохион байгуулалт, хөгжлийн ерөнхий төлөвлөгөө болон аялал жуулчлалын бүсийн хэсэгчилсэн ерөнхий төлөвлөгөөг боловсруулж, хэрэгжилтийг зохион байгуулна.
- 2.3.7 Цэцэрлэг хотод “Булган хангай”, “Шинэ наран” зэрэг дахин төлөвлөлт хийгдсэн 4 байршилд суурьшлын бүсийн бүтээн байгуулалтын ажлыг үргэлжлүүлнэ
- 2.3.9 Сумдад “Тохилог орон сууц” арга хэмжээг хэрэгжүүлнэ хэмээн тусгагдсан байдаг.
Үйл ажиллагааны хөтөлбөрийг хэрэгжүүлэх хүрээнд “Архангай орон сууцны корпораци” орон нутгийн өмчит ХХК-ийг байгуулж захирлаар нь М.Гүрсүрэнг томиллоо.
Архангай аймгийн иргэдийг хямд өртөгтэй, чанартай орон сууцаар хангах төрийн бодлогыг хэрэгжүүлэх, төрөөс зорилтот бүлгийн иргэдийг орон сууцаар хангах хөнгөлөлтийн бодлогыг хэрэгжүүлэх үндсэн зорилготой.
|
Нийгэм
