С.ОТГОНБАЯР
МАН-ын бүлгийн хурлаас...
-УИХ-ын гишүүн Г.Лувсанжамц: Гэр суурингийн өрхүүдэд дулаан алдагдлыг хэмнэх талаар зөвлөмж өгсөн гэсэн. Яг хэдэн өрхөд зөвлөгөө өгсөн бэ?
-Гурван тоолуурт тарифтай өрх хэд байгаа вэ. Яг аль хороодод 2025 оны өвөл цахилгаан тасрахгүй байх вэ. Тэнд яг хэдэн өрх байгаа вэ?
-Эрчим хүчний сайд Б.Чойжилсүрэн: Эрчим хүчний яамнаас зөвлөмжүүдийг өгөөд ирсэн. Түгээх сүлжээнүүдээс ч өгсөөр ирсэн. Бид ард түмэндээ нэг зүйлийг зоригтой хэлж чадахгүй байна. Гэр хороололд барьсан монгол гэр ч тэр, хувийн орон сууц ч тэр ямар нэгэн стандарт гэж зүйл байхгүйгээр Улаанбаатар хот 360-аад жилийн түүхтэй байх аа. Ийм л юм явсан байна. Үүнээс шалтгаалаад нэгдүгээрт хүндрэл гарсан. Хоёрдугаарт, дулааны үнийг хэт доогуур бариад байхаар дулаалах сонирхолгүй болчхоод байна. Хэт хямдхан өртөгтэй учраас. Зах зээлийн үнэд ойртуулах юм бол дулаалахын тулд хөрөнгө гаргана аа даа. Түүнийгээ хэдэн жилд нөхөх вэ, урсгал зардлаа яаж хэмнэх вэ гэдэг чинь зах зээлийн харилцаанаас гарчхаад байсан учраас өртөг нэмэх асуудлыг ярьж байгаа. Тэгэхгүй бол хямдхан дулаанаараа дулаалахгүй байсан нь хэрэглэгч цахилгаанаар халаасан нь ашигтай байгаад байна.
Улаанбаатар хотыг Бөөрөлжүүтийн цахилгаан станцын 600 мвт, Баянгийн цахилгаан станцын 660 мвт, Шивээ-Овоод баригдах 660 мвт орвол 2 гвт орчим эх үүсвэр бидэнд бий болж байна. Үүнийг Улаанбаатар руу авчрахад Багахангай дүүрэгт 500 мвт-ын нэг дэд станц, Ургах наран хороололд 500 мвт-ын нэг дэд станц барьж хооронд нь холбохоор Улаанбаатар хотын хоёр талд 1, 1 гвт-ын хүчин чадалтай цахилгаан эрчим хүч ирнэ. Эхний ээлжид 2031-2032 он хүртэл эдгээрийг хийхэд 2 тэрбум ам.долларын хөрөнгө оруулалт хэрэгтэй гэдэг тооцоо гарсан.
Мэдээж тог тасрахгүй байна гэж бахйгүй ээ. Г.Лувсанжамц гишүүн ээ. Одоо бид ганцхан эх үүсвэртэй тийм үү. Хоёр эх үүсвэртэй болгоно гэдэг нь 30-40 жилийн асуудал. Тог бага тасрах тухай л ярина. Огт тасрахгүй байх тухай гэж байхгүй. Яагаад гэвэл тог тасрахгүй байхын тулд хоёр эх үүсвэртэй байж таарна аа даа. Нэг талд нь үйлчилгээ хийхэд нөгөө талд нь сэлгэн залгадаг. Энэ боломж Улаанбаатар хотын сүүлийн 30 жилд төлөвлөлтгүй явчихсан гэр хороолол дээр тийм бололцоо байхгүй. Тэгж худлаа ярьж ард түмнийг худлаа молигодож чадахгүй. Бага тасрах тухай л ярина.
|
Улс төр
