С.ОТГОНБАЯР
НИТХ-ын төлөөлөгч З.Төмөртөмөөгөөс байр суурийг нь сонслоо.
-МАН дангаараа засаглах асуудлыг та хэрхэн харж байна вэ?
-Ер нь шударга бус байхгүй юу. Жишээ нь, ХҮН нам Улаанбаатар хотод нэг ч суудал аваагүй мөртлөө Улаанбаатар хотын Засаг даргын орлогчийг тавьж байна шүү дээ. Энэ бол шударга биш. Энд нэр дэвшсэн өчнөөн хүмүүс байгаа. Ялсан хүмүүс байна. Бүгд л гомдолтой байгаа шүү дээ. Хэчнээн зардал мөнгө гарч байгаа билээ. Хэчнээн хөдөлмөр зүтгэл гарч байгаа билээ. Энэ чинь улстөрч хүний хувьд маш чухал.
-Нийслэл дээр хамтрах сонирхолгүй байгаа хэрэг үү?
-Нийслэлд хамтрах сонирхолгүй байгаа. Би түүнийгээ төлөөлөгчийн хуваарь хурлууд дээр хэлж байгаа шүү дээ. Хамгийн их муулж байсан хүнийхээ дор ирээд суучихдаг. Энэ бол ёс зүйгүй асуудал. Намайг ч гэсэн зөндөө л муулсан. Уучлаад л өнгөрч байгаа юм. Гэхдээ хүн ярих хэлэх юмаа бодож л хэлэх хэрэгтэй. Мэдээж хамтрахгүй бол ХҮН намын орлогч, нийслэлийн орлогч бусад албан тушаалд, бүтээмжийн менежерүүд гээд бүх газар байна шүү дээ. ХҮН намынхан. Энэ бол яагаад ч байх боломжгүй асуудал. Тэгээд хүний нөөц байхгүй.
|
Улс төр
