Коронавирусийн халдвар илэрсэн тээврийн жолооч эхнэрийн хамт энэ сарын 8-нд "UB palace"-т тоглолт үзсэн байна. Тус тоглолтыг Увс аймгийн Тэс сумын иргэд үзсэн бөгөөд өнгөрсөн хугацаанд орон нутаг руугаа буцсан байж магадгүй тул тандалт хийхээр болжээ.
Улмаар Увс аймгийн Онцгой комиссын шийдвэрээр гурав хоногийн хугацаанд сургууль цэцэрлэг, коллеж, Их дээд сургууль, олон нийтийг хамарсан бүх төрлийн үйл ажиллагаа, сургалт семинар, хурал зөвлөгөөн болон барааны зах, баар, караоке, PC тоглоомын газруудыг хаахаар болсон байна.
