Хан-Уул дүүргийн 15 дугаар хорооны “Рапид харш” хотхоны 3659 иргэнээс 48 цагийн дотор PCR ПГУ шинжилгээ авч ковид-19 халдварын шинэ 12 тохиолдлыг илрүүлэв
Голомтын эцсийн халдваргүйтгэлийг нийт 24-н байр, 12 обьектийн 88.000 м.кв талбайд 2 удаа давтан ариутгал хийж аюулгүй болголоо.
Үргэлжлүүлэн 2021 оны 3 дугаар сарын 20-ны өдрийн 11:00 цагаас 130-р сургуулийн байранд “Рапид харш” хотхоны 50-69 насны ахмадууд болон хөгжлийн бэрхшээлтэй нийт 880 иргэнийг тус тус /Ковид -19/ халдварын эсрэг дархлаажуулалтад хамруулж байна.
Халдварт өвчний эсрэг бүхий л хүчээ дайчлан хичээж ажиллаж байгаа нийт алба хаагчид, дор бүрнээ ухамсартай байж энэхүү өвчинтэй хамтдаа тэмцэж байгаа иргэддээ талархал илэрхийлье.
Халдварын тохиолдол буурахгүй байгаа тул иргэд бүр хариуцлагатай байж, халдвар хамгааллын дэглэмээ чанд сахихыг уриалж байна.
Эх сурвалж: Хан-Уул дүүргийн Онцгой комисс
