Сэлэнгэ аймгийн Мандал сумын Тарни 8 дугаар багийн “Үнэглэг хэсэг” гэдэг газар 4 айл, 374 бог мал “Хараа” голын үерийн усанд боогдсон тухай дуудлагыг зургадугаар сарын 10-ны өдрийн 16:05 цагт хүлээн Аймгийн онцгой байдлын газар авсан байна.
Тус аймгийн Онцгой байдлын газрын Мандал сум дахь Гал түймэр унтраах, аврах 19 дүгээр ангийн алба хаагчид, сумын Засаг даргын Тамгын газрын ажилтнууд 32 км замыг туулан 18:00 цагт очиж 5 цаг ажиллан иргэн Т, Г, Т нарын гэр бүлийн 8 том хүн, 6 хүүхэд, 374 бог мал, 3 гэрийг аюулгүй газар нүүлгэн шилжүүлжээ.
