Хан-Уул дүүрэг: 12 дугаар хороо, “Сонгино” амралт гэдэг газар “Туул” голын усанд 1 хүн унаж, голын салаа руу өөрөө эсэн мэнд гарсан бөгөөд буцаж гарч чадахгүй байна гэсэн дуудлагыг зургадугаар сарын 12-ны өдрийн 20:41 цагт Нийслэлийн Онцгой байдлын газар хүлээн авсан байна.
Нийслэлийн Аврах ангийн алба хаагчид 37 км замыг туулан 21:27 цагт очиход А/16 настай, эрэгтэй/ гэр бүлийнхэнтэйгээ “Туул” голын эргээр зугаалж яваад усанд унаж, голын салаа руу өөрөө эсэн мэнд гараад буцаж гарч чадахгүй байсныг аврах завь ашиглан аюулгүй газарт гаргаж, ар гэрийнхэнд нь хүлээлгэн өгчээ.
