Монгол улсын Ерөнхий сайд асан С.Баяр өөрийн цахим хаягтаа одоогийн Засгийн газар ямар хүнд нөхцөлд ажиллаж байгаа тухай өөрийн байр сууриа илэрхийлжээ.
Тэрээр: “Хөнгөн нөхцөлд ажилласан Засгийн газар гэж үгүй. Бүгд л тухайн цагийнхаа хүндрэл бэрхшээлийг давах, санаснаа хэрэгжүүлэх гэж зүтгэж ирсэн. Гэхдээ эдийн засгийн дөрвөн хөлийг чөдөрлөсөн цар тахал, үүнээс үүдсэн олны байнгын бухимдал дунд, арай л дэндүү хүнд нөхцөлд ажиллаж буй Засгийн газарт урам хэрэгтэй. Ялаа эдлээд гарсан, улс төрөөс явсан, тэтгэврийн надад аль нэг том, жижиг даргад тал засах хэрэг алга. Ковид-бухимдал их байна гээд эрүүл ухаан багасах ёсгүй” гэжээ.
