Монголын үйлдвэрчний эвлэлийн хорооноос сургуулийн өмнөх боловсролын салбарын ажилчдын цалин хөлсний талаар мэдээлэл хийв.
МҮЭХ-ны ерөнхийлөгч С.Эрдэнэбат "Засгийн газар гаргаж байгаа шийдвэрээ шуурхай албажуулах хэрэгтэй. Орон нутагт төсөв захирагч нар өөрөөр хандаад байна. Цаг хугацаа нь болоогүй байгаа, алдаатай хууль тогтоомжууддаа өөрчлөлт оруулах хэрэгтэй.
Бидний зүгээс цалинг одоогоос хоёр дахин нэмэхийн төлөө төрийг шаардаж ажиллана. Их хурлаасаа тодорхой зорилтуудыг дэвшүүлсэн. Сүүлийн 10 жилд валютын ханш хоёр дахин өссөн. Цалин хөлсийг дунджаар 2.6 сая орчим болгохын тулд явна.
Төрийн үйлчилгээний ажилчдын хөдөлмөрийн үнэлэмж маш бага, 2050 он гэхэд дундаж давхаргыг 80 хувьд хүргэнэ. 2030 он гэхэд цалинг 10 саяд хүргэхээр ажиллана" гэв.
