Цаг уур орчны шинжилгээний газрын мэдээлснээр 2021 оны арванхоёрдугаар сар Зүүн Азийн орнуудад урьд өмнө тохиолдож байгаагүй дулаан саруудын тоонд багтаж, хөлдсөн нуур, голын мөс дунджаас 5-50 см нимгэн байсныг Онцгой байдлын ерөнхий газраас мэдээлсэн.

2021 онд мөсөн нурангид өртсөн 16 тохиолдол Онцгой байдлын байгууллагад бүртгэгдсэн ба дөрвөн хүний амийг авч оджээ.

ИРГЭН Б.БУЯНДАЛАЙ: Өвлийн улиралд иргэд санамсар болгоомжгүйгээр автомашинтай мөсөн дээгүүр явснаар цөмөрч осолдох осол их байна. Сая Хөвсгөл яваад ирэхэд замд нэлээн олон машин гол, нуурын усанд цөмөрсөн байгаатай таарлаа. Хүмүүс энэ үед онцгой байдлын газрыг дуудахгүйгээр өөрсдөө гаргачихья гээд машинтай хүмүүсээр чирүүлж, давхар давхар эрсдэлд орж байгаа зүйлс их байна. Тиймээс анхаарал, болгоомтой зорчих нь чухал байна.  

ОБЕГ-ЫН АЖИЛТАН Т.УУГАНХҮҮ: Цаг уурын байгууллагаас ирүүлсэн мэдээллээр өнгөрөгч оны 11,12 сарууд олон жилийн дунджаас дулаан байсан. Ялангуяа 11 сард 1-9,7 хэмээр дулаан байсан. Үүнтэй холбоотойгоор гол мөрөнд мөсөн бүрхүүл тогтох хугацаа хойшилж байна. Ихэнх гол, мөрөн мөсөн бүрхүүл тогтсон ч, өмнөх жилүүдээс мөсний зузаан 5-50 см нимгэн байгааг тогтоосон. 2021 онд мөс цөмөрсөн 16 удаагийн тохиолдол бүртгэгдэж, 4 иргэн харамсалтайгаар амиа алдсан. Ард иргэд, тээврийн хэрэгслийн жолооч нарт сэрэмжлүүлэхэд зам товчлох, баталгаагүй зам гүүрээр зорчихгүй байхыг анхааруулж байна. 

ИРГЭН О.ЭНЭРЭЛ: Хэвлэлээр дандаа голын мөсөнд цөмрөөд уналаа, осолдлоо гэсэн мэдээлэл их байна. Энэ жил дулаан байгаа учир голын мөсөн дээгүүр автомашинтай явсан иргэд цөмөрч, амь нас эд хөрөнгөөрөө хохироод байгаа нь хамарсалтай. Мэдээллийг их эмзгээр хүлээж авсан. Болгоомжтой зорчихгүй бол цаг их хэцүү болсон байна. 

Эх сурвалж: А24 Мэдээний агентлаг

Таны сурталчилгаа