Монголын урчуудын холбооны 20 зураач 6-р сарын 4-нөөс эхлэн Өмнөговь аймгийн Ёлын ам, Мухар шивэрт, Сарын хөндий, Хэрмэн цав, Зуу мод зулагнай, Нэмэхт, Гилбэнт, Хонгорын гол, Баянзаг зэрэг үзэсгэлэнт газруудаар 10 хоногийн турш явж байгалийн сайхныг бийр будгаар урлах юм. УИХ-ын гишүүн Д.Бат-Эрдэний дэмжлэгээр уран бүтээлийн аяллаа эхлүүлсэн зураачид говийн байгалийн сонин, сайхан, гайхамшигтайг бишрэн ярьцгааж байна. Тус зураачдийн багийг Өмнөговь аймгийн залуу зураач Амгаланбаатарын Сонинбаяр ахалж явна.
