Дархан-Уул аймгийн унаган иргэн хүний их эмч Даваасүрэнгийн Сэлэнгэ тэнгэрт буй аавынхаа хүслийг биелүүлж Дархан сумын 11 дүгээр багийн 18 дугаар байрны талбайд хүүхдийн тоглоомын талбай байгуулжээ. Тэрээр гэр бүл, найз нөхөд, “Ургамлын далай” ХХК-ийн ажилчидтай хамтран тоглоомоо угсарч энэ сарын 20-ны өдөр харьяа баг, СӨХ-д хүлээлгэн өгсөн байна.
42 жилийн өмнө аав ээжийнхээ гал голомтоо бадраан, ажил амьдралын гараагаа эхэлж байсан нутаг, өөрийнхөө хүүхэд насыг өнгөрүүлсэн Дархан хотдоо Д.Сэлэнгэ бүсгүй гэр бүлийн хамт эргэн ирж хүүхэд багачууддаа тохилог орчин бүтээхэд хөрөнгө оруулалт бүтээн байгуулалт хийлээ.
