6-р сарын 24-нд АНУ-ын Дээд шүүх үр хөндөлтийг үндсэн эрх гэж хүлээн зөвшөөрсөнтэй холбоотой шийдвэрийг хүчингүй болгожээ. 1973 онд Дээд шүүх үр хөндөх эрхийг Үндсэн хуулиар олгогдсон хувийн нууцыг хамгаалах эрхээр баталгаажна гэж шийдвэрлэсэн. Шинэ шийдвэрээр АНУ-ын Үндсэн хуульд үр хөндөх эрхийг дурдаагүй бөгөөд тусгайлан хамгаалаагүй, үүний хууль ёсны эсэхийг муж улсын түвшинд шийдвэрлэх ёстой гэж заажээ. Уг шийдвэр гаргах тухай баримт бичгийн төсөл тавдугаар сарын эхээр хэвлэл мэдээллийн хэрэгслээр цацагдсан.
Одоо олон мужууд үр хөндөлтийг хориглоно. Өмнө нь 13 мужид уг шийдвэр гарсан тохиолдолд хэрэгжихээр үр хөндөлтийн эсрэг хуулийг урьдчилан баталсан байна. АНУ-ын 50 мужаас зөвхөн 16-д нь жирэмслэлтийг зогсоох эрхийг хамгаалсан хууль байдаг байна.
Хоригийн нөхцөл нь муж бүр өөр өөр байдаг - хэрэв эхийн амь насанд аюул заналхийлж байгаа эсвэл жирэмслэлт нь хүчингийн эсвэл цус ойртолтын үр дагавар бол үр хөндөлтийг зөвшөөрдөг байна.
АНУ-ын Ерөнхийлөгч Жо Байден шүүхийн уг шийдвэрийг манай улсыг 150 жилээр ухраасан эмгэнэлт алдаа гэж нэрлэжээ. Тэрээр Конгресст үр хөндөлтийг холбооны хууль болгох замаар нөхцөл байдлыг засахыг уриалсан бөгөөд энэ сэдэв нь намрын Конгрессын сонгуулийн гол асуудал гэж нэрлээд, энэ нь "хувийн эрх чөлөө, хувийн нууц, эрх тэгш байдлын тухай" санал хураалт болно гэж хэлжээ.
Эх сурвалж: NYT
