“Улаанбаатар-2022” Их дуулга тэмцээний +78 кг-ын жинд Өвөрхангай аймгийн Баянгол сумын харьяат ОУХМ Амарсайханы Адъяасүрэн мөнгөн медаль хүртлээ. Тэрбээр аваргын төлөө олимпын наадмын холимог багийн төрөлд хүрэл медаль хүртсэн дэлхийн чансааны хоёрдугаарт эрэмбтэй Израйлын Раз Хершкод даралтаар цэвэр ялагдлаа. Ингэснээр А.Адъяасүрэн Гранд Слам ангилалаас хоёр дахь мөнгөн медалиа хүртлээ. Өмнө нь тэрбээр Баку-2021 Их дуулгаас мөнгөн медаль хүртээд байсан юм.
