Дорноговь аймгийн Сайншанд сумын 2 дугаар багийн иргэн Ж.Хүдэрчулуун, Г.Эрдэнэбаяр нарын гэр бүл 2022 оны 9 дүгээр сарын 12-ны өдөр 3 ихэр хүүтэй болжээ.
2022 оны байдлаар Дорноговь аймагт 1089 хүүхэд шинээр бүртгэгдсэнээс ийнхүү анхны 3 ихэр хүүхэд төрсөн нь бүртгэгдсэн байна.
Дорноговь аймгийн Засаг дарга О.Батжаргал, Засаг даргын орлогч Г.Март, Засаг даргын тамгын газрын дарга Н.Хонгорзул нар өнөөдөр Ж.Хүдэрчулуун, Г.Эрдэнэбаяртай уулзаж, хүндэтгэл үзүүллээ.
Энэ үеэр орон нутгаас тус залуу гэр бүлийг дэмжин, бяцхан үрсийнхээ эрүүл, саруул өсөн торниход нь дэмжлэг үзүүлэх зорилгоор 3 өрөө байр олгохоо илэрхийлж батламжийн хамт мөнгөн урамшуулал олголоо.
