Украины цэргүүд Донецк, Запорожье мужуудад хүчээ нэмэгдүүлж байна. ОХУ-ын Батлан хамгаалах яам ням гарагийн орой Украины тал Өмнөд Донецкийн чиглэлд довтлох оролдлого хийсэн бөгөөд түүнийг няцаасан гэж мэдэгдсэн байна. Гэсэн хэдий ч Оросын "цэргийн сурвалжлагчид" болон Батлан хамгаалах яамны хяналтад байдаггүй цэргийн талыг баримтлагчид Донецк, Запорожье мужуудын өөр өөр бүс нутагт болж буй ширүүн тулалдааны талаар болон Украины Зэвсэгт хүчний дэвшилтийн талаар мэдээлж байна. Украины армийн амжилтыг бие даасан эх сурвалжууд ч баталж байна.
ОХУ-ын Батлан хамгаалах яамны төлөөлөгч генерал Игорь Конашенковын өглөөний тайланд Украины сөрөг довтолгоо фронтын таван салбарт нэг дор эхэлсэн тухай өгүүлжээ. Ням гарагийн өглөө "Дайсан зургаан механикжсан батальон, хоёр танкны батальон"-ыг ажиллагаанд ашигласан гэж мэдэгдсэн. "Дайсан зорилгодоо хүрсэнгүй. Амжилт олсонгүй" гэж Конашенков мэдээлжээ.
Дайралтыг няцаасны үр дүнд Украины Зэвсэгт хүчин 250 хүний хохирол амссан бөгөөд ерөнхий штабын дарга Валерий Герасимов фронт дахь цэргийн ажиллагааг биечлэн хянаж байсан гэж Оросын тал мэдэгджээ.
Украины Зэвсэгт хүчин сөрөг довтолгоо эхэлснийг батлаагүй бөгөөд Оросын талын мэдээг "мэдээлэл-сэтгэл зүйн ажиллагаа" гэж нэрлэжээ. "Украйнчуудын сэтгэл санааг үймүүлж, олон нийтийг (түүний дотор хүн амаа) төөрөгдүүлэхийн тулд Оросын суртал ухуулагчид сөрөг довтолгоо, түүний чиглэл, Украины армийн хохирлын талаар худал мэдээлэл тараах болно. Үүний тулд амь үрэгдэгсэд болон олзны цэргүүд техник хэрэгсэл харуулсан хуучин видео бичлэгүүд болон гэрэл зургуудыг бэлтгэсэн байна. Мөн бусад хуурамч материалуудыг" гэж Украины Зэвсэгт хүчний Стратегийн харилцаа холбооны газрын мэдэгдэлд дурджээ.
"Угледар, Великая Новоселовка хоёрын яг голд нь фронтын шугамын дагуу орших Новодонецкое тосгоны хувьд яг одоо ширүүн тулаан өрнөж байна" гэж Оросын милитарист Телеграм суваг ВарГонзо бичжээ. Оросын өөр нэг суртал ухуулагч Александр Коц "Өглөөнөөс хойш идэвхтэй тулаан хоёр чиглэлд өрнөж байна. Өчигдрийн бүтэлгүйтлийн дараа дайснууд баруунаас Угледарийн чиглэлд их хүчээ нэгтгэн хөдөлсөн.
"Дайсан мөн Артемовск мужид довтолгооны ажиллагаа явуулж байна. Соледар хотоос хойд зүгт их буугаар буудаж байна. Мөн Бахмутаас баруун өмнө зүгт тулалдаан өрнөж байна" гэж Коц бичжээ.
Зарим эх сурвалжууд Украины довтолгоо эхэлснийг хэн ч албан ёсоор зарлахгүй гэж үзэж байна. Украины хүчнийхэн хамгаалалт хамгийн сул байгаа газар Оросын хамгаалалтыг давж довтлохыг оролдох болно гэж үзэж байна. Үүний зэрэгцээ өнөөдөр өглөө болон өчигдөр орой Украины зарим цэргийнхэн, сайн дурынхан болон фронтод ойр хүмүүс олон нийтийн сүлжээгээр “Эхлэлээ!”, “Бурхан ивээг!”, “Явцгаая!” гэсэн хоёрдмол утгатай мессеж тарааж эхэлжээ. Мэдээж хэрэг, энэ нь довтолгооны тухай ярьж байна гэж таамаглаж болно.
Америкийн Дайны Судлалын Хүрээлэнгийн мэдээлснээр давшилт нь гурван километр байсан бөгөөд энэ дайны нөхцөлд миналагдсан зэвсэгтэй газар нутгийг нэг шөнийн дотор бодитойгоор даван туулсан нь нэлээд их зай юм. Өөрөөр хэлбэл, фронтын энэ хэсэгт хөдөлгөөн өрнөж байна. Гэвч Украины Зэвсэгт хүчний ашиглаж буй хүч нь болж буй үйл явдлыг том довтолгоо гэж нэрлэхэд хангалтгүй юм. Энэ ажиллагаа томоохон довтолгоо болж хувирах болов уу? Цаашид хөгжих болов уу? Цаашид юу болох бол гэх асуултууд үлдэж байна.
Эх сурвалж: BBC
