Хөгжмийн урлагийн голлох урсгал болсон хип хоп урсгалын шилдгүүдийн нэг реппер Big Gee гаднын зах зээлд уран бүтээлээ гаргаж байна. Өнгөрсөн жил Солонгосын томоохон энтертайнментын репперүүдтэй хамтарч "Яасан" дууныхаа ремиксийг 2 улсад зэрэг цацсан бол энэ удаад Японы номер нэг реппер АК-69-тэй хамтарчээ.
АК-69 реппер нь 2003 оноос уран бүтээлээ туурвиж эхэлсэн бөгөөд Японы хөгжмийн зах зээлд томоохон байр суурийг эзэлдэг реппер, продюсер юм. 2 улсын нэрт репперүүдийн эхний хамтрал нь АК-69-ын сүүлд гаргасан "Ride wit us" дууны ремикс юм. Тус дууны клипний найруулга, бичлэг, эвлүүлэг дээр "Bronze hero" студи ажилласан бол хөгжмийн найруулга, микс мастер дээр АК69-ийн Flying-B entertainment ажиллажээ. Түүнчлэн Японы Мэргэжлийн сүмогийн их аварга Тэрүнофүжи клипэнд нь тоглосон нь Монгол, Японы үзэгчдийн анхаарлыг ихээр татан өндөр үнэлгээг аваад байна.
Сонирхуулахад "Япон-Монгол аялал жуулчлалын форум-2023” арга хэмжээний үеэр Япон улсаас Монголын хип хоп уран бүтээлчдийг тоглуулах, үүнд онцлон реппер Т.Мөнх-Эрдэнэ /Big Gee/ -ийг Япон Улсад тоглолтоо хийхийг урьсан юм.
Реппер Big Gee, AK-69 "Ride wit us" ремиксийг хүргэе.
