БНХАУ-ын Ханжоу хотноо 2022 оны есдүгээр сард зохион байгуулагдах байсан Азийн 19 дүгээр наадам КОВИД-19 цар тахлын улмаас бүтэн жилээр хойшлогдож, улмаар ирэх есдүгээр сарын 23-наас аравдугаар сарын 8-ны өдрүүдэд зохион байгуулагдахаар болсон билээ.
Өнөөдөр Азийн Наадмын багийн спортын төрлийн тэмцээнүүдийн хэсгийн шатны сугалаа явагдаж хөлбөмбөгийн төрөлд өрсөлдөх Монголын Эрэгтэй, Эмэгтэйчүүдийн шигшээ багуудын сугалаа амжилттай явагдлаа.
Эрэгтэйчүүдийн шигшээ баг "B" хэсэгт Вьетнам, Саудын Араб, Ираны шигшээ багуудтай орсон бол Эмэгтэйчүүдийн шигшээ баг "А" хэсэгт зохион байгуулагч БНХАУ болон Узбекистаны шигшээ багуудтай нэг хэсэгт тус тус орлоо.
Монголын хөлбөмбөгийн холбоо
