Сүхбаатар дүүргийн Гамшгийн эрсдэлийг бууруулах орон нутгийн зөвлөлийн ивээл дор, Ерөнхий боловсролын сургуулийн ахлах ангийн сурагчдын дунд гамшиг, ослоос урьдчилан сэргийлэх мэдлэг олгох, дадлагажуулах "ӨСВӨРИЙН АВРАГЧ 2023" тэмцээнийг зохион байгууллаа.
Тус тэмцээн танин мэдэхүйн асуулт, хариулт, усанд осолдогчийг аврах, хүч, авхаалж самбаа сорих, гал унтраах, химийн хордолтын бүсэд ажиллах зэрэг төрлүүдээр ур чадвараа сорин өрсөлдлөө.
Тэмцээнд дүүргийн ерөнхий боловсролын сургуулиудын сурагчид хурд хүч авхаалж самбаагаа сорин өрсөлдсөнөөс “Тэргүүн байр”-т Эрдмийн хөтөч цогцолбор сургууль, “Дэд байр”-т ерөнхий боловсролын 4 дүгээр сургууль, “Гутгаар байр”-т ерөнхий боловсролын 45 дугаар сургууль , “Тусгай байр”-т ерөнхий боловсролын 16 дугаар сургуулийн баг тамирчид тус тус шалгарч, шилжин явах цом, алт, мөнгө, хүрэл медаль, өргөмжлөл, мөнгөн шагналаар шагнууллаа.
Мөн "Шилдэг командлагч"-аар Эрдмийн хөтөч цогцолбор сургуулийн сурагч Т.Билгүүнхүү шалгарч, Өргөмжлөл мөнгөн шагналаар шагнуулж, оролцсон бүх тамирчдадаа өргөмжлөл, энгэрийн тэмдэг дурсгалаа.
