Даян дээрхийн шүтээнтэй Цагаан-Үүр суманд “Соёлын сэргэлт-2023” аяныг амжилттай хэрэгжүүллээ.
НЭЭЛТ
"Соёлын сэргэлт-2023" аяныг нээж Цагаан-Үүр сумын засаг дарга А.Батмөнх,
сумын Соёлын төвийн эрхлэгч Л.Алтанхуяг нар мэндчилгээ дэвшүүллээ.
ТОГЛОЛТ, ҮЗЭСГЭЛЭН
Нээлтийн үйл ажиллагаанд залуу уран бүтээлч Б.Баасансүрэн, Ж.Алмагүл,
Хөвсгөл аймгийн Хөгжимт Драмын Театр-ын уран бүтээлч Т.Лаагансүрэн,
Цагаан-Үүр сумын соёлын төвийн эрхлэгч
МУСТА Л.Алтанхуяг, МУСТА бүжгийн багш Э.Шүрэнцэцэг, соёлын төвийн дэргэдэх бүжгийн хамтлаг болон сурагч А.Анхмаа нар оролцож сумын иргэдэд урлагийн тоглолт толилууллаа.
Мөн “ИХ ХААДЫН ЕРТӨНЦ: МӨНХ ХААН”, “ХОРИГ УУЛЫН ЭРДЭНЭС” үзэсгэлэн,
“ИХ ХААНЫ ӨЛГИЙ НУТГААР” гэрэл зургийн үзэсгэлэнг хүрээлэнгийн эрдэм шинжилгээний ажилтан Б.Хүрэлбаатар тайлбарлан хүргэсэн юм.
ИЛТГЭЛ, СУРГАЛТ
ШУА-ийн Философийн хүрээлэнгийн захирал, доктор, профессор Б.Пүрэвсүрэн
"Үндэсний нэгдмэл үнэт зүйл ба соён гэгээрэл" сэдвээр,
Чингис хааны өв, соёлын хүрээлэнгийн эрдэм шинжилгээний ажилтан А.Чаданхүү “Чингис хаан ба Монгол бахархал” сэдвээр сумын иргэдэд болон Цагаан-Үүр сумын ЕБС-ийн сурагчдад тус тус соёлын илтгэлээ уншлаа. Түүнчлэн
Чингис хааны өв, соёлын хүрээлэнгийн эрдэм шинжилгээний ажилтан Б.Хүрэлбаатар Соёлын төвийн албан хаагчдад “Соёлын үйл ажиллагааны нөөц боломж” сэдвээр чадавхжуулах сургалт явууллаа.
БОЛОВСРОЛЫН ХӨТӨЛБӨР
Чингис хааны өв, соёлын хүрээлэнгээс “МОНГОЛЫН ЭЗЭНТ ГҮРЭН” хөлөгт тоглоом, “ЦААТНЫ ӨВ, СОЁЛ” гар урлалын боловсролын хөтөлбөрийг сумын ЕБС-ийн сурагчдад хэрэгжүүлэн ажиллалаа.
