Зөвд бал мэтБурууд хатгуур мэт

-ХУЛГАНА ЖИЛТНИЙ АЖИЛ ҮЙЛС БҮТЭМЖТЭЙ, ҮР БҮТЭЭЛТЭЙ БАЙНА-

2024 онд хулганы ажил үйлс бүтэмжтэй, үр бутээл өндөр байна. Энэ нь ялангуяа хүчин чармайлттай ажиллаж, эрсдэлийг зөв тооцоолдог хүмүүст хамаатай. Шинэ боломж олон тохионо, дасан зохицох чадвараа ашиглах хэрэгтэй. Олон нийтийн арга хэмжээнд оролц. Ашиг сонирхол ижил, санаа нэгтэй хүмүүстэй харилцаа тогтоож, хамтран ажиллавал зорилгодоо хүрнэ. Зарим нь бизнесээ нээнэ, цалин нэмэгдэнэ. Луу жилд та эрч хүчтэй, онгодтой байх тул уран бүтээл их туурвина. Хөгжил цэцэглэлт ирнэ. Амбицтай бай, саад тотгорыг үл тоон шийдмэг хөдөл. Холбоо сүлбээгээ ашиглан карьер хөөвөл албан тушаал ахина. Ганц бие хулгана романтик харилцаа тогтоох, харилцаагаа шинэ түвшинд гаргахдаа өөрийн зөн билэгт найдаарай. Заяаны ханиа хайж байгаа бол 2024 онд үхэр эсвэл луу, бич жилтэй хүмүүст анхаарал хандуул. Харин тахиа, мориноос холхон бай. Хоолны цэсээ өөрчилж дасгал гимнастик тогтмол хийвэл эрүүл, стрессгүй амьдрана. Сэтгэцийн эрүүл мэнддээ анхаар, бясалгал, иогоор хичээллэ. Нойрны асуудалтай хүмүүс цагийн хуваарь, дэглэмээ өөрчлөх хэрэгтэй. Хулгана жилтнүүдийн 2024 оны фэн шуй сахиус бол мөнгөний мод. Орон гэр эсвэл ажил дээр мөнгөний модыг зүүн өмнөд зүгт байрлуул.  Аз дуудаж хөгжил цэцэглэлтэд хүргэнэ. Мөн инээж буй Буддаг баруун урд буланд тавихад хайр дурлал азтай, бүтэмжтэй. Шинэ онд хулганы азтай өнгө ногоон, цэнхэр, хар. Азтай тоо: 2, 3.

-2024 ОНД ҮХЭР ЖИЛТНИЙ ХАЙР СЭТГЭЛ, АЖИЛ ҮЙЛС, МӨНГӨ САНХҮҮ АМЖИЛТТАЙ-

Үхэр жилтний хувьд 2024 онд хайр сэтгэл, ажил үйлс, мөнгө санхүү амжилттай. Та өөрөө хувь заяагаа бүтээнэ. Зорилго, хүсэл мөрөөдлийнхөө төлөө зүтгэ, амжилтаа бэхжүүл. Дэндүү шударга зан зөрчилд хүргэж болзошгүй. Хэт ширүүн харьцаа ажилд сөрөг нөлөөтэй. Иймээс уян хатан бай. Үг яриагаа хяна. Мөнгө санхүүдээ санаа зоволтгүй, ашиг орлого тогтмолжино. Орлогын нэмэлт эх үүсвэртэй болно. Гэхдээ хамаагүй үрж болохгүй. Зөн совингоо чагна, бүтээлч бай. Зарим нь төслөө хэрэгжүүлнэ, хувийн бизнес эрхлэх буюу карьер хөөнө. Найз нөхөдтэйгөө харьцаагаа бэхжүүл, тэднээс тусламж авах байх. Ганц бие үхэр хайртай хүнээ сонс, түүнийг өөрчлөх гэсний хэрэггүй. Өөрөө хэт түрэмгий, авирлахаа боль. Гэр бүлтэй үхрийн амьдрал аз жаргалтай, ахуйн асуудал бэрхшээлийг хамтдаа даван туулна. Эрүүл мэнд дажгүй, хааяа стресстэж нервтэх шинжтэй. Зөв хооллож амралт, ажлыг хослуулаарай. Спортоор хичээллэ. Буруу зуршилтай бол хая. 2024 онд үхэр жилтний фэн шуйн сахиус нь Ву Лу (хулуу). Энэ сахиус танд, эрүүл мэнд аз хийморь бэлэглэж орчны сөрөг энергийг шингээдэг. Түүнийг гэр орондоо (ажлын байранд) баруун урд буланд байрлуул. Ву Лугийн өнгө алтлаг, мөнгөлөг, цагаан байвал сайн. Энэ сахиусын хувьд азын тоо 7. Yхэр мөн ягаан эсвэл ногоон өнгөтэй мөнгөний модыг зуун урд буланд тавиарай. Хайр дурлалд одтой явахад хос мандарин нугас тусална, баруун урд зүгт тавь. Гэрийн зүүн хойд буланд багуа толь байрлуулбал сөрөг энергийг үлдэн хөөж саад бэрхшээлийг даван туулахад тусална, бүтэлгүйтлээс сэргийлнэ.

-БАР ЖИЛТЭН БҮХ ТАЛБАРТ АМЖИЛТААР АРВИН, ХҮЧТЭЙ БАЙНА-

2024 онд бар жилтэн бүх талбарт амжилтаар арвин, хүчтэй, өөртөө итгэлтэй байна. Нөхцөл байдлыг саруул ухаанаар дүгнэ, төлөвлөгөөтэй ажилла. Үйл явдлыг яаруулж болохгүй. Сэтгэл хөдлөл, гоомой үйлдэл сөрөг үр дагавартай. Дотоод дуу хоолойгоо чагна. Нийтийг хамарсан ажилд оролцож өөрөө зохион байгуулж сур. Маргааш гэж бүү хойш тавь. Ажлын шинэ хандлага, туршлагадаа суурилан урагшил. Карьер өснө, хамт олны дунд өрсөлдөөн ширүүсэх шинжтэй. Олон ажлыг зэрэг барьж авах дэмий, бүтээмж багасна. Энэ нь эрүүл мэндэд сайнгүй. Ар гэр, найз нөхөд дэмжиж тусална. 2024 онд ашиг орлого эрс нэмэгдэж амьдрал сайжирна. Гэнэтийн зардал гарч магадгүй, төсвөө ухаалаг зарцуул. Хөрөнгө оруулалт хийхийн өмнө сайн судал. Хайртай хүндээ гомдож тунирхсан ч хэт ач холбогдол өгөх хэрэггүй. Та өөрөө зан авираа өөрчилбөл бүх зүйл хэвийн. Гэр бүлтэй бар ханиа халамжилж жаргаах хэрэгтэй. 2024 онд эрүүл мэнддээ мөнгө бүү хайрла. Архаг өвчтэй бол эмчлүүл. Сайн хооллож, их амар, хоногт 7 цагаас багагүй унтаарай. Бар жилтний 2024 оны фэн шуй сахиус бол эд баялгийн аяга. Түүнийг орон гэрийн (ажил) зүүн урд буланд тавь, аз ивээж амьдрал хөгжин дээшилнэ. Дотор нь зоос, кристалл зэргийг хийх ёстой. Мөн амандаа зоос зуусан З хөлт мэлхийг хаалган дээрээ өлгөж болно. Пи  Яо (домгийн амьтан) сахиус тан руу эд баялаг дуудаж сөрөг энергиэс хамгаална. Бар 2024 онд цагаан эсвэл шар, ногоон өнгийн хувцас өмсвөл азтай хийморлог явна. Ийм өнгөтэй эд юмыг ажил гэртээ байлга, эерэг энерги бэлэглэнэ. Шинэ онд таны азтай тоо бол 3, 7.

-ТУУЛАЙ ЖИЛТЭН КАРЬЕР ХӨӨХ, ХУВИЙН БИЗНЕС НЭЭХЭД САЙН-

Туулайн хувьд 2024 он азтай хийморлог, амар амгалан байх нь. Карьер хөөх, хувийн бизнес нээхэд сайн. Ажил үйлсээ бүхнээс чухалчил. Тэгсэн цагт бүх саад бэрхшээлийг даван туулна. Мэргэжлээ дээшлүүл, сургалтад хамрагд. Санаачилгатай, тууштай байж өөрийн төслийг сурталчил. Алдартай компанитай хамтран ажиллах төлөвтэй. Зөв зохион байгуулбал багаар ажиллахад амжилт ирнэ. Шинэ төсөл, хөрөнгө оруулалтаас сайн ашиг олж чадна. Өөртөө итгэлтэй, ажил хэргээ амжуул. Аливаад уян хатан, хүлээцтэй хандаж сурах хэрэгтэй. Уран бүтээл амжилттай, материаллаг байдал сайжирна. Ганц бие туулайн хайр дурлал азтай, өөрөө эхний алхам хий. Бие сайн, гэсэн ч өвчнөөс урьдчилан сэргийлэх арга хэмжээ авч үe үe шинжилгээнд хамрагдаарай. Нурууны дасгал тогтмол хий. Ажлын ачаалал, стрессээс сэргийл. Сэтгэл хөдлөлөө барьж сурахын тулд иог, оюуны бясалгалд хамрагд. Туулайн 2024 оны фэн шуй сахиус бол Хаш чулуун туулай. Энэ сахиус бол энх амгалан, төгс зохицол, хөгжил бадралын билэгдэл бөгөөд аз амжилт дуудна. Түүнийг орон гэрийн (ажил) зүүн эсвэл зүүн урд буланд тавьдаг. Хаш туулайг унтлагын өрөөндөө байлгавал нойр сайжирна. Мөн цитринийг (шар болор) гэрийн (ажил) зүүн урд зүгт тавихад хөрөнгө мөнгө арвижна. Цитрин бол амжилт, эд баялаг, элбэг дэлбэг амьдрал авч ирдэг. Түүнийг зочдын өрөө эсвэл байгалийн гэрэлтэй тасалгаанд байрлуулахад сэтгэл санааг өргөж эрч хүч нэмнэ. 2024 онд туулайн азтай өнгө нь улаан, ягаан, хөх ягаан, цэнхэр. Азтай тоо 3, 4, 9.

-ЛУУ ЖИЛТНИЙ ХУВЬ ЗАЯАГ ШИЙДВЭРЛЭХ ЖИЛ-

2024 он бол луу жилтний хувь заяаг шийдвэрлэх жил. Та өөрөө бие даан зорилгодоо хүрч ашиг орлогоо нэмэгдүүлж чадна. Азтай үе, хэтийн сайхан төлөв нээгдэнэ. Tэргүүн зэргийн зорилтоо зөв тодорхойлбол асуудалд бэрхшээл бага. Ажил, мэргэжлээ өөрчлөх, санхүүгийн байдлаа дээшлүүлэх боломжийг бүү алд. Санасан бодсоноо хэрэгжүүлэхэд их хүчин чармайлт хэрэгтэй. Тайван, тэсвэр хатуужилтай бай. Зорилго тэмүүлэл, хүчин чармайлтын ачаар том карьер хийх буюу авьяас чадвараа нээж туршлагаа хуваалцаж алдаршина. Бизнес эрхэлдэг бол хамтран ажиллахад гэмгүй. Өөрчлөлтийг хүсвэл өөрөө түрүүлж хаалга нээ. Мөнгө санхүүгийн байдал маш сайн. Амжилттай хөрөнгө оруулалт, ивээн тэтгэгчдийн санхүүжилт гэх зэрэг ашиг орлого нэмэгдэнэ. Гэрээ хэлцэл байгуулахдаа зөн совиндоо найд. Их мөнгөний хойноос гүйх хэрэггүй. Бодлогогүй алхам, эрсдэлээс сэргийл. Ялихгүй зүйлд хүч тамир, цагаа бүү үp. Ажлын асуудлыг гэртээ авч ирж болохгүй. Ойр дотны хүмүүсээ анхаарч халамжлаарай. Ганц бие луу өөрийгөө бусдаас тусгаарлахын оронд шинэ, сонирхолтой харилцаанд нээлттэй бай. Сөрөг ааш зан, авираа засахыг хичээ. Өөдрөг хүмүүстэй харьц. Найз нөхдийн тусламжаас бүү татгалз, хариу таларх. Нийгмийн ажилд идэвхитэй оролц. Эрүүл мэнд сайн. Бие чийрэгжүүлэх арга хэмжээ авах, хоолоо тохируулж идэх, нойроо сайн авах, их хөдлөх зэргээр өөртөө анхаар. Спортоор хичээллэ эсвэл иог бясалгалыг сонгоорой. Луу жилтний 2024 оны фэн шуй сахиус бол мөнгөний мод. Жижигхэн модыг гэртээ (ажил) тарьж өөрийн азтай зүг болох зүүн буланд байрлуул. Таны азтай өнгө маргадан ногоон, харин азтай тоо нь 1, 8, 14, 21.

-МОГОЙ ЖИЛТНИЙ САНХҮҮ САЙЖИРЧ, ОРЛОГО НЭМЭГДЭХ ЖИЛ-

2024 онд могой жилтэн өөрийн мэргэн ухаан, төрөлхийн уян хатан өвөрмөц сэтгэлгээний чанар, ач тусыг хүртэнэ. Мөнгө санхүү сайн. Ялангуяа сүүлийн зургаан сард ашиг орлого улам нэмэгдэнэ. Орлогын шинэ эх үүсвэр олох буюу ашигтай хөрөнгө оруулах байх. Эсвэл бүтээлч чадвараа ашиглах буюу шинийг зохион бүтээнэ. Оны эхээр жаахан хүндрэл тулгарч магадгүй. Yүссэн асуудлыг дор нь хурдан шийдэж байвал уршиг дагаврыг эрс багасгана. Үйл явдал асар хурдтай өрнөх тул таны сэтгэцэд сөрөг нөлөөлөхөөс сэргийл. Хамгийн гол нь эрсдэлтэй алхам бүү хий. Зарим нь хувийн бизнесээ нээнэ. Ганц бие могойн хайр дурлалын асуудалд гэнэт өөрчлөлт гарна. Заримын хувьд найзын харилцаа амрагийн болж хувирах байх. Гэр бүлтэй могой шинэлэг уур амьсгалыг өөрөө бүрдүүлэх хэрэгтэй. Могой эрүүл чийрэг биетэй, гэвч өөрийн хайхрамжгүй хандлагаас болж эмнэлэгт хэвтэж болзошгүй. Биеийн байдлаа тогтмол хянаж стресс, ядаргаанд өртөхөөс зайлсхий. Усанд сэлэлт, иллэг, бясалгалаар хичээллэвэл сайн. Могойн хувьд фэн шуй сахиус нь Ву Лу. Энэ бол эрүүл энх, урт наслахын билэгдэл. Бас мөнгөний мэлхийтэй болоорой. Энэ сахиус эд баялаг, баян чинээлэг амьдралыг дуудна. Азтай өнгө ягаан, хар, цэнхэр. Эдгээр өнгө танд амжилт, алт мөнгө, хөгжил цэцэглэлтийг бэлэглэнэ. Таны азтай зүг чиг: зүүн өмнө, өмнө, зүүн хойд. Энэ зүг чиглэлд цагийг өнгөрөөх нь амжилт, аз, аз жаргал авч ирнэ. Азтай өдөр: 1, 10,19. Ийм өдөр шинэ ажил төсөл эхлүүл, чухал шийдвэр гарга.

-МОРЬ ЖИЛТЭНД ОЛОН САЙХАН БОЛОМЖ ГАРЧ ИРНЭ-

Морин жилтнийг 2024 онд аз, амжилт хүлээж байна. Ажлын шинэ арга барил боловсруулж, авьяас чадвараа дайчилж ажилласны хүчинд карьер өснө. Өрсөлдөгч олон байхыг анхаар. Заримын хувьд өндөр амжилт, ялалт нь уналт бууралттай ээлжлэх бололтой. Мөнгө санхүүгийн байдал сайжирна. Ашиг орлогоо нэмэгдүүлэхийг хүсвэл том төсөлд оролц. Гэхдээ хөрөнгө оруулалтад болгоомжтой хандаарай. Мөнгөндөө гамтай ханд, хамаагүй үрж зарцуулж болохгүй. Эрүүл мэнд таны анхаарлын төвд байх ёстой. 2024 онд бэртэх гэмтэх, яс хугарах магадлал өндөр. Ахуйн бэртлээс сэргийл. Спортоор хичээллэх үед, авто зам дээр онцгой анхааралтай, сонор сэрэмжтэй яваарай. Гадна дүр төрхөө эрс өөрчлөх, буруу зуршлаас ангижрахад тохиромжтой үе. Эрүүл хооллолтод анхаар. Явган явах зэргээр хөдөлгөөнтэй байхыг эрхэмлэ. Морин жилтний хувьд 2024 оны фэн шуй сахиус бол яст мэлхий, луу. Энэ хүчирхэг сахиусыг орон гэрийн (оффис) хойморт залаарай. Эерэг энерги бэлэглэн урт наслуулахын зэрэгцээ таагүй явдал, элдэв асуудлаас хамгаалдаг. Хэрэв түүнийг зүүн урд зүгт байрлуулбал материаллаг баялгийг авч ирнэ. Хүсвэл та хулсыг сонгож болно. Аз жаргал ба амжилт бэлэглэдэг хулсыг гэр орныхоо (ажил дээр) зүүн өмнөд хэсэгт тавихад мөнгө дууддаг. Ургамал 3 иштэй бол хайр дурлал бүтэмжтэй байна. 5 иш нь мөнгөнд азтай, 8 иш нь карьер өснө гэсэн үг.

-ХОНЬ ЖИЛТНҮҮД ТӨЛӨВЛӨСӨН БҮХ АЖЛАА АМЖУУЛНА-

Идэвхи зүтгэлтэй, хашир хэрсүү хонь жилтэн 2024 онд төлөвлөсөн бүх ажлаа амжуулна. Та хэт баяжихгүй ч санхүүдээ санаа зоволтгүй. Олсон мөнгөө хадгалж үржүүлэхэд анхаар. Найз нөхөд хамт олны дэмжлэг чухал. Ажлаа солих эсвэл өөр тийш шилжин нүүж магад. Зарим нь удирдах албан тушаалд очно. Уян хатан, зөв оновчтой хандлага чухал үүрэгтэй. Ажил дээр хүчтэй өрсөлдөөн өрнөж, саад тотгор тулгарч болзошгүй. Энэ нь мөнгөний салбарт ч хамаатай. Хөрөнгө оруулахын өмнө эрсдэлийг тооц. Зөв ажиллавал ашиг хувь хүртэнэ. “Дороо дэвхцэхээ" боль, байнга сурч өөрийгөө хөгжүүл. Янаг амрагийн явдал романтик, нэн оргилуун. Зарим нь хуримлана, үр хүүхэдтэй болно. Ганц бие хонь өөрөөс тэс өөр хүнийг сонгох байх. Хайртай хүнийхээ төлөө өөрчлөгдөхийг хүснэ. Бие сэтгэлээ арчилж торд, стресст өртөхөөс сэргийл. Ходоод гэдэс эсвэл бамбай булчирхай, мэдрэлийн систем хямарч магадгүй. Дархлаагаа бэхжүүл. Сайн амар, хоолны дэглэм баримтла, бясалгал хий. 2024 онд хонь жилтний фэн шуй сахиус бол мөнгөний мэлхий. Эд баялгийн ваар. Эдгээрийг гэрийн (ажил) зүүн урд буланд тавь. Аз дуудан эд баялгаа арвижуулна. Мөн яст мэлхий, лууг орон гэрийн (ажил) хойморт залбал карьер өснө. Таны азын өнгө улаан, улбар шар. Ийм өнгөтэй зангиа ороолт аксессуар, сонго, эрч хүч ба өөртөө итгэх итгэл нэмэгдэнэ. Эрүүл мэндээ дэмжье гэвэл Ву Лу хулуу, Буддаг гэрийн зүүн буланд тавиарай. Гэр эсвэл унтлагын өрөөний баруун урд буланд хос мандарин нугас өлгөвөл хайр дурлал идэвхижинэ. Ягаан кварцан бугуйвч зэрэг гоёл танд хайр, төгс зохицол бэлэглэнэ.

-БИЧНҮҮДИЙГ 2024 ОНД АЗЫН ТЭНГЭР ИВЭЭЖ, АШИГ ОРЛОГО НЭМЭГДЭНЭ-

Бич жилтнийг 2024 онд азын тэнгэр ивээж, ашиг орлого нэмэгдэнэ. Бизнес нээх, арилжааны үйл ажиллагаа, хөрөнгө оруулалтад сайн жил. Карьер хөөвөл хүссэндээ хүрнэ. Хамгийн гол нь бүхнийг сайн төлөвлө, гол чухал зүйлд анхаарлаа төвлөрүүл. Шинэ санаа чиг хандлага, технологийн дэвшилийг ажилдаа ашигла. Хөдөлмөрийн үр шимээ хүртэн шагнал урамшуулал авах байх. Найз нөхөд, хамаатан садны сэтгэл санааны дэмжлэг, тусламжаас бүү татгалз. Ажил, амралтыг зөв хослуул. Асуудал үүсмэгц дор нь шийдэх хэрэгтэй. Урьдаас төлөвлөж ажилласны ачаар гэнэтийн нөхцөл байдал үүсэхэд хохирол бага амсана. Мөнгөө зөв удирдвал арвижих болно. Орлогын нэмэлт эх үүсвэртэй болно. Хувийн амьдралд хурц тод үйл явдал тохионо. Ажилдаа хэт улайралгүй ар гэр, ойр дотны хүмүүстээ анхаарал тавь. Ганц бие бич 2024 онд хайж явсан хүнтэйгээ учирна. Гэр бүлтэй бич харилцан итгэлцлийг эрхэмлэнэ. Эрүүл мэнд сайн, ялихгүй юманд нервтэхээ боль. Ажлын ачаалал ихэдвэл хүч тамир буурч дархлаа буурах эрсдэлтэй. Спортоор хичээллэ, хөдөлгөөнтэй бай. 2024 онд мичин жилтний фэн шуй сахиус бол Пи Яо (домгийн амьтан). Энэ нь эд баялаг ба өмгөөлөл хамгааллын билэгдэл. Мөн та луун дүрст сахиустай бол. Луу нь эрх мэдэл, амжилтын билэгдэл бөгөөд эрч хүч, аз, амжилт авч ирнэ. Азтай өнгө: алтлаг, мөнгөлөг, цагаан. Эдгээр өнгө нь эд баялаг, амжилт, хөгжил цэцэглэлтийг билэгддэг. 2024 онд таны азтай зүг чиг: зүүн, зүүн урд, өмнө. Энэ зүг чиглэлд цаг хугацааг ахиу өнгөрөөвөл амжилттай, азтай хийморлог явна.

-ТАХИА ЖИЛТЭН МӨНГӨ САНХҮҮГИЙН БАЙДЛАА САЙЖРУУЛАХ БОЛОМЖТОЙ-

2024 онд тахиа амжилтад хүрэх хүслээр жигүүрлэнэ. Таны сайн санаа, өгөөмөр энэрэнгүй үйлс 3 дахин арвижаад буцаж ирэх болно. Ажил их, шинэ төсөл санаачилгаа хэрэгжүүлж мөнгө санхүүгийн байдлаа сайжруулах боломжтой. Үүнд сонор сэрэмж, төлөвлөлт тусална. Асуудлыг айдасгүй, шуурхай, уян хатан шийдэх чадвараар бусдыг гайхашруулна. Нийтийг хамарсан арга хэмжээнд оролцоорой. Тэсвэр хатуужил, шаргуу хөдөлмөр, илтгэх чадварын ачаар өндөр албан тушаалд хүрэх байх. Хамт олны туслалцаа, түншүүдийн дэмжлэг маш чухал. Та 2024 онд бусдын санал бодлыг сонсч, зөвшилцөж сур. Мөнгө санхүүгийн байдал сайн. Санхүүгээ өөрөө удирд, бас хэмнэлтийг эрхэмлэ. Эргэлзээтэй төсөл, байгууллагад мөнгө оруулж болохгүй. Хайр сэтгэлийн тухайд ахуйн болон мөнгөний асуудлаас болж ам муруйх байх. Харилцаагаа сайжруулахын тулд хааяа өөрөө бууж өг. Гэр бүлтэй тахиа амраг ханиа халамжил. 2 сарын дараа шал утгагүй санагдах зүйлээс болж нервээ барах шаардлагагүй. Бие махбодийн болон сэтгэцийн эрүүл мэнддээ онцгой анхаар. Цэвэр агаарт амарч, хоол ундаа тохируулж хэрэглэ. Тахиа жилтний 2024 оны фэн шуй сахиус бол хаш тахиа. Энэ бол аз, хөгжил цэцэглэлтийн билэгдэл. Түүнийг зүүн эсвэл гэрийн зуун урд зүгт байрлуул. Мөн орон гэрийн (оффис) зүүн, зүүн урд зүг энергийг арвижуулах сахиуст тавихад карьер өснө. Ургамал эсвэл усан оргилуур, аквариумыг байрлуулахад олон төсөл, санаачилга биелнэ. Аз жаргалын хулс бол өсөлт, тогтвортой байдал аз авч ирдэг, бас эерэг энергийг арвижуулна. Азтай өнгө: ногоон, цэнхэр, хар.

-НОХОЙ ЖИЛТЭН 2024 ОНД БҮХ ЗОРИЛГОО ХЭРЭГЖҮҮЛЖ, СААД БЭРХШЭЭЛИЙГ ДАВНА-

2024 онд нохой жилтэн бүх зорилгоо хэрэгжүүлж, саад бэрхшээлийг давна. Урам зоригтой, амбицтай, өөрчлөлтөөс айхгүй шаргуу хөдөлмөрлөсний дүнд ашиг орлого сайн олно. Карьер өснө. Гэхдээ нөхцөл байдалд дасан зохицох, таагүй хүмүүстэй ажиллах, сэтгэл хөдлөлөө дарж байх шаардлага гарна. Зарим нь өөр ажил хайна, намар ашигтай санал ирэх байх. Ажил, бизнес, арилжаа наймаанд олон боломж гарч ирнэ. Том төсөл хэрэгжүүлэх, мэргэжил эзэмшихэд таатай үе. Санхүү нэлээд "савлах" шинжтэй, "хар өдөр"-т зориулж мөнгө хадгалахад гэмгүй. Азаар орлогын шинэ эх үүсвэр олдоно. Оны сүүлээр олз омог арвин. Дурласан нохой шийдвэр гаргахаас бүү ай. Зарим нь гэрлэнэ. Гэр бүлтэй хүмүүс амьдралдаа шинэлэг уур амьсгал оруулахыг хүснэ. Та өөрт болон эрүүл мэнддээ цаг гарга. Ажилдаа дарагдсаны улмаас орон гэрийн тав тух, тогтвортой байдал алдагдах шинжтэй. Бие сайн, сэтгэл санаа өөдрөг байна. Мэдрэлийн систем эмзэг байх шинжтэй. Стрессээс сэргийл, сэтгэцээ хайрла. 2024 онд таны фэн шуй сахиус бол Пиксиу (домгийн амьтан, жигүүртэй арслан). Энэ бол эд баялаг дуудаж сөрөг энергиэс хамгаалдаг сахиус. Мөн Ву Лу (хулуу) сахиустай бол. Энэ нь эрүүл мэнд, амьдралын хүч ба урт наслалтыг билэгддэг. Ву Луг унтлагын өрөөнд тавих буюу жижигхэнийг биедээ авч явж болно. Азтай өнгө: ногоон, ягаан. Эдгээр нь өсөлт, эд баялаг, элбэг дэлбэгийн билэгдэл. Ийм өнгөөр гэрээ чим эсвэл хувцасла. Азтай зүг чиг: хойд, зүүн хойд, баруун урд. Гэр орон, ажил дээр энэ зүгт байхыг хичээ, эерэг энерги, аз дуудна.

-ГАХАЙ ЖИЛТНИЙ ХУВЬД 2024 ОН ХУРЦ, СОДОН ҮЙЛ ЯВДЛААР АРВИН-

Гахай жилтний хувьд 2024 он хурц, содон үйл явдлаар арвин. Асар том төлөвлөгөө гарган ханцуй шамлан ажиллана. Өөр хот, улс руу аялж жуулчлан эерэг сэтгэгдэл хуримтлуулж гайхалтай хүмүүстэй танилцана. Цалин өсөх, албан тушаал дэвших, нийгэмд байр сууриа дээшлүүлэх зэргээр амжилттай жил байх нь. Нэр хүндтэй хүмүүсийн дэмжлэг авна. Санхүүгийн байдал шууд биш боловч мэдэгдэхүйц сайжирна. Өөрийгөө хөгжүүл, суралц. Маш их хөдөлмөрлөж хүчин чармайлт гаргахгүй бол юунд ч хүрэхгүй гэдгийг гахай жилтнүүд сайн ухаарна. Саад тотгор учруулдаг хүмүүсээс зай барь. Бизнес эрхлэгчид өөрөөр сэтгэх цаг иржээ. Орлогоо нэмэх хэдэн сайхан санаа сэднэ. Будлиантай, сэжигтэй хөрөнгө оруулалтаас татгалз. Луйварчдаас сэргийл. Хуримтлалаа арвижуул, xэpсүү, тооцоотой бай. Санхүүгийн байдалд гэнэтийн эргэлт гарч мэднэ. Зарим нь ашигтай хөрөнгө оруулалт хийнэ. Ганц бие гахай жилтний амрагийн харилцаа тогтворгүй байх шинжтэй, гэхдээ заяаны ханиа шууд танина гэж зурхайд буужээ. Бие тавгүйрхвэл ажлаа хойш тавьж эмчид үзүүл. Зөв хооллох, витамин хэрэглэх, дасгал хөдөлгөөн хийх зэргээр дархлаагаа бэхжүүл. Таны фэн шуй сахиус бол Пиксиу (домгийн амьтан). Түүнийг орон гэрийн (ажил) хаалга руу харуулж тавь. Таны амьдралыг эд баялаг, эерэг энергиэр дүүргэн сөрөг бүхнийг үлдэн хөөнө. Мөн З хөлт мэлхийг гэр эсвэл ажлын зүүн урд буланд байрлуул, мөнгө хөрөнгө өсч арвижина. Азын өнгө: цэнхэр, ногоон, хар. Эдгээр өнгө таны зөн совинд нөлөөлж амжилт, аз жаргал дуудна. Азтай зүг чиг: зүүн хойд, хойд, баруун хойд.