Цаг үеийн мэдээ

2024 он хумхуудын хувьд хувийн ялалтаар арвин, эсрэг тэсрэг жил. Амьдралын бүх салбарт “их цэвэрлэгээ" хийх бололтой. Заримын хувьд тогтворгүй үе. Иймээс сонор сэрэмжтэй, мэргэн ухаалаг, хэрсүү байх хэрэгтэй. Оны эхний хагаст анхаарлаа ажил үйлсдээ төвлөрүүл. Дотны хүмүүс, найзууд, туршлагатай хүмүүсээс зөвлөгөө ав. Багаар ажилла, хамтын хүчин чармайлтаар боломжит шийдвэрийг олно. Энэ нь тогтвортой амжилтад хүргэж мөнгө санхүүгийн байдал сайжирна, албан тушаал ахина. Ажлын шинэ түншүүдийг сонгож аван өөрийн эхлэх төсөлд хамруулбал сайн. Та өөртөө итгэлгүй байж алдаа гаргах магадлалтай. Хариуцлагаа түншүүд, найзуудтайгаа хуваалц. Бие даан ажиллахыг хүсдэг бол болгоомж илүүдэхгүй. Өрсөлдөгч муу санаатнууд идэвхижин үе үе гэнэтийн байдал, таагүй явдал үүсч болзошгүй. Хавар тэвчээртэй, тайван байж зөрчилт байдлаас зайлсхий. Хэрүүл маргаан ар гэрийн амьдралд сөргөөр нөлөөлнө. Зун ажлын томилолтоор явах, амрахад тийм ч тохиромжтой биш. Оны сүүлийн хагаст эрч хүч нэмэгдэнэ, сэтгэл санаа өөдрөг. Ивээн тэтгэгч эсвэл хөрөнгө оруулагчтай хэлэлцээр хийхэд бүтэмжтэй. Удирдлагатайгаа харьцах, санаа нэгтнүүдийнхээ хүрээг тэлэх цаг. Сургалтанд хамрагдахад тохиромжтой үе. Сэтгэл санаагаа төвлөрүүл, өөрийн байр сууриа тодорхойл. 2024 онд эм хумхын амьдралд эргэлт гарна. Мэргэжлийн талбарт эрэл хайгуул, алс явах, ажлаас халагдах гэх мэт. Өөртөө итгэлтэй тайван байж "өнгөрснөө тавьж явуул". Тэгсэн цагт саад бэрхшээл таныг улам хүчирхэгжүүлнэ. Эр хумх ажил ба амьдралд хүссэн үр дүндээ хүрэхийн тулд хүчээ хуримтлуул, асуудалд нухацтай ханд, сахилга баттай бай. Карьераа урьдаас сайн төлөвлө. Заримын үзэл бодол, баримталдаг зарчим өөрчлөгдөх шинжтэй.

Хайр дурлал: Хувийн амьдралд өөрчлөлт шинэчлэл өрнөнө. Эсрэг хүйстэн таны сэтгэл татам чадварыг, ертөнцийг харах үзлийг биширнэ. Романтик харилцаа тогтоох, амрагтай болоход үүнийгээ ашигла. Намар хуримлах, хүүхэдтэй болоход таатай. Гэр бүлтэй хумх хайртай хүмүүстэйгээ цуг байхыг хичээ. Орон гэр, ахуйгаа тохижуул. Орон сууц, байшинтай болох төлөвлөгөө хэрэгжинэ, өөртөө бас үр хүүхдүүдэд. Эсвэл өвлөж авна.

Мөнгө санхүү: Материаллаг байдал тогтворгүйтэх шинжтэй. Эхний 6 сард ивээн тэтгэгч, түншүүдээс санхүүгийн тусламж авч чадна. Намар азтай гэнэтийн явдал болно. Ашигтай танилуудтай болж мэргэжлийн ажил болон хувийн амьдралд эерэг өөрчлөлт гарна. Оны сүүлийн хагаст ажил мэргэжилтэй холбоотой зардал их гарч магадгүй. Мөн үр хүүхдүүдийн хэрэгцээнд мөнгө нэлээд зарцуулна.

Ажил бизнес: Зарим нь хувийн бизнесээ нээнэ, эсвэл найз ба хамаатан садны ажилд идэвхитэй оролцоно. Бизнес эрхлэгчид, удирдах албан тушаалтнууд үйл ажиллагаагаа тэлэхэд анхаар. Газар эсвэл үл хөдлөх хөрөнгө худалдаж авах бололтой. Засвар, зохион байгуулалтын ажилд нэлээд оролцоно. Оны сүүлээр амжилт арвин, гэхдээ дэмий эрсдэл гаргах хэрэггүй. Сэжигтэй төсөл, холбооноос зайлсхий. 

Эрүүл мэнд: Биеэ бодож үе үе сайн амарч бай, мэдрэлээ хайрла. Таны био энергийн нөөц доройтно. Дархлааны систем суларч эмзэг, өртөмтгий болж магадгүй. Эрч хүчээ гамна, үе үе их ядрах байх. Өвчин, сэтгэл гутрал таны ажлын үр дүн, сэтгэл санаанд сөрөг нөлөөлж мэднэ. Илүүдэл жинтэй болохоос сэргийлэх арга хэмжээ ав.