Нийслэлийн Сүхбаатар дүүргийн Ерөнхий боловсролын 2 дугаар сургуулийн багш, сурагчид уламжлал ёсоор 108 баринтаг урлаж, Монгол Улсын Үндэсний номын санд өргөн хандивлалаа.
Хоёрдугаар сургуулийн багш, сурагчид өөрсдийн урласан баринтгийг Үндэсний номын сангийн сан хөмрөгт хадгалагдаж буй хуучин судар номыг баринтаглуулахаар 2007 оноос хойш 18 жилийн турш Сар шинийн өдрүүдэд өргөн хандивлаж ирсэн юм.
Энэ удаагийн 108 баринтгийг тус сургуулийн захирал, доктор Цэнгэлмаа, нийгмийн ажилтан Одмаа, 11 дүгээр ангийн сурагч Есөнхүсэл, Эрдэнэ-Очир нар Үндэсний номын сангийн захирал Ичинхорлоод гардуулан өгч, ном судрын дээжээс өөрийн гараар баринтагласан юм.
