Соёлын яамны харьяа Кино Урлагийн зөвлөл нь 2024 оны 05 дугаар сарын 14-25-ны өдрүүдэд зохион байгуулагдах 77 дахь удаагийн Каннын Олон улсын кино наадмын дэргэдэх “Marche Du Film” кино маркетын хүрээнд Mongolian Pitch Session in Cannes” арга хэмжээг зохион байгуулах юм.
Тус арга хэмжээнд танилцуулах уран бүтээлчдийн төслийг 2024 оны 03 дугаар сарын 21-ний өдрөөс 2024 оны 04 дүгээр сарын 05-ны өдрүүдийн хооронд хүлээн авсан бөгөөд нийт 8 уран бүтээлч төслийн материал ирүүлсэн байна.
Сонгон шалгаруулалтын хүрээнд Кино урлагийн зөвлөл 2024 оны 04 дүгээр сарын 10-ны өдөр хуралдаж, төсөл ирүүлсэн уран бүтээлчид хүрэлцэн ирж төслийн танилцуулга хийсэн бөгөөд ирүүлсэн төслүүдийг хэлэлцэн, дараах 5 уран бүтээлчийн төсөл шалгарлаа.
