Цаг үеийн мэдээ

"Kids Art Festival-2024" хүүхдийн дүрслэх урлагийн наадмыг "More art, more fun" уриатайгаар Монголдоо анх удаа галерей болон сургалтын төвүүдтэй хамтран зохион байгууллаа. 

Дүрслэх урлагаар дамжуулан хүүхэд, багачуудад урлагийн боловсрол олгох, урлагаар дамжуулан хүүхдийг төлөвшүүлэх, хүмүүжүүлэх, гэр бүлийн нандин, аз жаргалтай дурсамж бүтээх, хамтдаа өнгөрүүлэх чанартай цагийг нэмэгдүүлэхэд чиглэсэн арга хэмжээ болж өндөрлөлөө. 

Олон улсын хүүхдийн эрхийг хамгаалах өдөр буюу 06 дугаар сарын 01-ний өдөр, Төв цэнгэлдэх хүрээлэнд зохион байгуулагдсан уг үйл ажиллагаанд хүүхэд багачууд, эцэг эхчүүд, залуус идэвхтэй оролцжээ.