Завхан аймгийн Улиастай сумын Жинст, Жаргалант, Өлзийт багт өнөөдөр /2024.06.17/ 17:30-18:30 цагийн хооронд түр зуурын бороо орсны улмаас 30-40 орчим айл үерийн усанд автсан байна. Дээрх 1 цагийн хугацаанд цаг уурын Улиастай өртөөнд 11.6 мм тунадас орсон байна.
Маргаашаас төвийн аймгуудын нутгаар дуу цахилгаантай аадар бороо орох тул борооны өмнөх хүчтэй салхи, мөндөр, болзошгүй үер, усны аюулаас сэрэмжтэй байхыг Цаг уур орчны шинжилгээний газраас онцгойлон анхааруулж байна.
