Монгол Улсын нийслэл Улаанбаатар хотноо зургаа дахь удаагаа зохион байгуулагдаж байгаа "AJP TOUR ULAANBAATAR INTERNATIONAL JIU JITSU CHAMPIONSHIP 2024" тэмцээний хоёр дахь өдрийн өрсөлдөөн Монгол бөхийн өргөөнөө эхэллээ. Тэмцээний эхний өдөр өсвөр үе болон залуучуудын ангилалын тэмцээнүүд явагдаж аваргуудаа тодруулсан. Харин өнөөдөр насанд хүрэгчдийн болон мастерс ангилалд аваргууд тодорно. Зургаа дахь удаагаа болж буй энэхүү тэмцээнд АНУ, Бразил, ОХУ, Япон, Хонконг, зохион байгуулагч Монгол Улсын тамирчид өрсөлдөж байна.
