БНСУ-ын Засгийн газрын хөгжлийн албан ёсны тусламжаар “Монгол Улсын статистикийн чадавхыг бэхжүүлэх КОСТАТ-АХБ-ны хамтарсан төсөл”-ийн удирдлагын зөвлөх үйлчилгээний баг энэ сарын 8-16-ны өдрүүдэд Үндэсний Статистикийн Хороонд ажиллаж байна.
Энэ хүрээнд Үндэсний Статистикийн Хорооны 15 албан хаагчид албан ёсны статистикийн мэдээллийг боловсруулах үйл ажиллагаа, чанарын удирдлагын тогтолцооны талаар таван өдрийн сургалт зохион байгуулж, хэлэлцүүлэг зохион байгуулах юм.
