2024 оны 8-р сарын 14-ний өдрийн 12 ордын зурхайг танилцуулж байна.
Хонь: Хэн нэгний хардлага сэрдлэгээс болж хяналт шалгалтаар орж магадгүй. Асуудлыг хурдан зохицуулах гэж зүтгэсний хэрэггүй. Учир начир нь аяндаа олдоно. Бусадтай хэт маргахаас зайлсхий. Аливаа үйл явдлыг хүндээр тусгаж авах хэрэггүй. Аль болох амар тайван байх нь чухал үе.
Үхэр: Удаан хугацаанд ганцаардмал байсан бол олон нийтийн дунд нийгэмшиж чадахгүй нэлээд зожиг зан гаргаж мэднэ. Таны ойлгомжгүй зан ааш зарим нэг үл ойлголцлыг үүсгэж болзошгүй. Том жижиг ямар ч яриа хэлэлцээр нь таны тусын тулд биш байх бөгөөд энэ нь таныг илүү үйлдэл хийхэд хүргэнэ. Танил хүмүүсийн дундаас хуурч мэхэлсэн, явуургүй ажиллагаа илэрч мэднэ.
Ихэр: Сайн дурын үйл ажиллагаанд оролцох нь өдөр тутмын нэгэн хэвийн байдлаас болж сэтгэл санаа тавгүйтэхээс хамгаална. Хэрэв таагүй нөхцөл байдлаас өөрийгөө хол байлгах юм бол амьдралаас таашаал авч, мөн хүч чадалдаа итгэлтэй байх болно. Ихэнх хүмүүс хувийн амжилтаараа бахархах болно. Өөрийгөө улам хөгжүүлэх тал дээр ямар нэгэн үйлдэл хийгээрэй.
Мэлхий: Таны амьдрал хэн нэгнээс шууд хамааралтай мэт бүү санаарай. Урам хугарсан, идэвхгүй байдал ноёрхоно. Өөртөө итгэлгүй байдал нь амьдралын чадамжийг доогуур үнэлнэ. Хэрэв та өөрийн хүч чадлаа зөв зохистой хуваарилж, өмнөх зорилгоо зөв тодорхойлж чадвал үр дүн нь таны амьдралыг гэрэлтүүлэх сайхан мэдээ байх болно. Шинээр ажил эхлүүлэх, ажлын байраа солих зэрэг ямар нэгэн өөрчлөлт хийхэд энэ өдөр тохиромжгүй байна.
Арслан: Гол зүйл дээр төвлөрч аар саар зүйлд анхаарлаа бүү сарниул. Өнөөдөр эрч хүч өндөр байх тул гадаад дур булаам байдлаараа бүхнийг дагуулахаар байна. Олон нийттэй харилцах, хүлээн авалт зохион байгуулах зэрэгт тааламжтай байна. Таны эргэн тойронд олон төрлийн асуудал байх ч бүгдийг амжилттай хийж гүйцэтгэх боломжтой.
Охин: Энэ өдөр таны өмнө тохиох саад тотгор бараг үгүй тул юу хүссэнээ гүйцэтгэх боломж байна. Бүтээл туурвил нь их баяр бахдал төрүүлж хүссэн үр дүнг авчирна. Элдэв хов жив хэл амнаас холхон байж болгоомжтой хөдлөх хэрэгтэй. Хэн нэгэн хүн таны сэтгэл санааг дахин үймүүлж тавгүйтүүлж мэднэ. Хайр сэтгэлд бүхнээс илүү азтайд тооцогдож болох ч өөрийнхөөрөө зүтгэх хэрэггүй.
Жинлүүр: Орчин цагийн амьдралд хөл нийлүүлэн, олны дунд орж ажиллаж амьдрах нь залуу хүмүүсийн хувьд тийм ч амаргүй мэт санагдана. Өөрт оногдох ажил үүргээ бүрэн дүүрэн биелүүлж чадах эсэх нь танаас шалтгаална. Сагсуу ойворгон хүмүүсээс зай барьж, амьдралдаа элдэв асуудал оруулж ирэхийг бүү зөвшөөр. Хайр дурлал гэнэтийн адал явдлаар дүүрэн байх болно.
Хилэнц: Таны итгэмтгий гэнэн занг тань хэн нэгэн ашиглаж, асуудалд оруулж мэдэх юм. Зарим хүмүүс сэтгэл санаа тогтворгүй байгаагаас болоод хаашаа л бол хаашаа хийсчих мэт байна. Хөндлөнгийн асуудалд өртөж байр суурь болон нэр хүнддээ сэв сууж болзошгүй. Шинэ танилцсан хүн тань шууд итгэл найдлага төрүүлэхээр байхгүй тул сэтгэл гонсойж мэднэ.
Нум: Атаа жөтөө, хов живээс өөрийн нэр хүндээ хамгаалах нөхцөл байдал үүснэ. Ялихгүй асуудал ч хамаг эрч хүч барж мэднэ. Аль болох олны нүдэнд муу үлгэр дуурайлал үлгэрлэхгүй байхыг зөвлөж байна. Сонирхсон ажилдаа бүтээлчээр хандах нь таныг шинэ түвшинд авчирна. Хувийн амьдралд ирэх бэрхшээлийг ямар нэгэн өөрчлөлтөөр засах магадлалтай.
Матар: Биеийн байдал сул дорой, өвдөх магадлал туйлын өндөр байна. Ажлын ачааллаа багасгаж ажил амралтаа зохицуулж эрүүл мэндээрээ хохирохоос урьдчилан сэргийл. Амин хувийн болон албаны аливаа асуудлыг хүндээр тусгаж авах хэрэггүй. Таны сэтгэл санаа өнөөдрийн хувьд эмзэг, амархан хямрах магадлалтай байгааг санаарай. Итгэл эвдсэн хамтрагч болон найз нөхдөд дахин итгэх хэрэггүй. Харилцаагаа хэвийн авч үлдээд, зайгаа барь.
Хумх: Ойлгомжгүй ааштай хүмүүс ч хамтрагчаа сонгохдоо нэг их хатуурхахгүй бололтой. Тохиолдсон асуудал болгоны ар дээр уур бухимдлаа барьж дийлэхгүй дэргэдэх хүмүүсийнхээ санааг зовоож магадгүй. Ганцаар байж дуртай ажлаа хийх нь өнөөдрийн хувьд тайвшралыг өгөх болно.
Загас: Ойр дотнын туслагч тань ихээхэн баярлуулж магадгүй. Ажлын ачааллыг ганцаараа үүрэх гэсний хэрэггүй. Хамт олны дунд орж ажиллах нь таны хувьд туршлага болохоос гадна хажиг зожиг зангийн эм нь байх болно.
