“Парис-2024" зуны 17 дугаар паралимпын наадам 10 дахь өдрөө болж байна. Өнөөдөр жүдо бөхийн эрэгтэйчүүдийн +90 кг-ын жинд Үндэсний шигшээ багийн тамирчин Д.Ганбат хагас шигшээд Бразилын жүдоч Уилиан Силва де Арауход цэвэр ялагдсанаар хүрэл медалийн төлөө барилдахаар боллоо.
Д.Ганбат нь Ази тивийн аварга, Азийн наадмын алт, мөнгө, хүрэл медальт тамирчин билээ. Монгол Улсын пара жүдо бөхийн баг зуны паралимпын наадмаас өмнө нэг хүрэл медаль хүртсэн нь гавьяат тамирчин Б.Ууганхүү (Рио-2016) юм.
