Говийн их дархан цаазат газрын “Б” хэсэгт хар сүүлт зээрийн тархац байршлын мэдээллийг тогтмол хянаж, нэн шаардлагатай мэдээллээр хангах зорилгоор 6 эр, 6 эм нийт 12 хар сүүлт зээрт байнгын нараар цэнэглэдэг хүзүүвч зүүлээ.
Энэхүү судалгааны ажлыг Говийн их дархан цаазат газрын “Б” хэсгийн Хамгаалалтын захиргаа, Монгол улсын их сургууль, Вень улсын Мал эмнэлгийн их сургууль, Норвег улсын Шинжлэх ухааны их сургууль, Олон улсын тахь групп ТББ, Нюрнбергийн амьтны хүрээлэнтэй хамтран хэрэгжүүлэв.
