2024 оны 10-р сарын 3-ны өдрийн 12 ордын зурхайг танилцуулж байна.
Хонь: Энэ өдөр бусдыг өөртөө татахын тулд бүхий л арга чаргыг хэрэглэх бөгөөд чухал хүнийхээ сэтгэлийн учгийг нь хөндөж чадна. Энэ нь таны амьдралыг огцом өөрчлөх тул бүх зүйлд аль ч талаараа бэлэн байх хэрэгтэй. Ажил төрлөө бүтэмжтэй байлгахын тулд нэр нөлөө бүхий хүний тусламжийг авснаар, төлөвлөгөөгөө хэрэгжүүлнэ.
Үхэр: Сайн мэдэхгүй хүнтэй хамтрах нь алдаа хийхэд нөлөөлөх тул өөрийн үйлдэлдээ хянамгай байхыг зөвлөж байна. Таны сэтгэл хөдлөл ихсэх юм бол өөрийгөө хянах чадвар бага болно гэдгийг анхаар. Эхэлсэн ажилдаа бүхий л анхаарлаа төвлөрүүлэхийг од эрхэс зөвлөж байна. Санхүүтэй холбоотой шийдвэрийг яаран гаргах хэрэггүй. Сайтар бодож тунгаасны эцэст хамгийн ашигтай гэсэн зүйлд хөрөнгө оруулалт хийгээрэй.
Ихэр: Ямар нэгэн байдлаар бусдаас хамааралтай ажил хийх нь таны хувьд дарамт болж магадгүй. Энэ өдөр ихэнх хүмүүс тогтсон ажил, уйтгартай үүргээс болж өөрчлөлт хийж магадгүй. Гэвч энэ бүхэн тийм ч оновчтой биш байж мэднэ. Амьдралаа дээшлүүлж, авьяас чадварыг ил гаргаж чадах тэр л салбартаа хүчээ сорихыг хичээ.
Мэлхий: Эмзэг байх тул зарим нэг зохисгүй зан гаргах магадлалтай. Хайр дурлалын харилцаанд өөрийгөө бодож, бусдын эрх чөлөөг хязгаарлах хандлага гаргана. Хэт хөнгөмсөг, итгэл найдваргүй байж болохгүй. Харин харилцагч хүнтэйгээ халуун дулаан яриа өрнүүлж, аливаад нухацтай хандах нь таны нэр хүндийг дээш өргөх болно.
Арслан: Хуучны дурсамж сэргээх, уулзаагүй удсан хүнтэй таарна. Мартах шахсан сураг чимээ гаргах бололтой. Хамт олны нэгдсэн арга хэмжээг зохион байгуулах чадвар өндөр байхаас гадна таны хичээл зүтгэлийг эрх мэдэлтэй, шийдвэр гаргах түвшний хүмүүс анзаарах болно. Энэ нь танд сайн боломжийг авчирч байгаа хэрэг юм.
Охин: Бүрэн төвлөрөл шаардлагатай ч өдрийн турш залхмаар, төвөгшөөсөн ажил хийх нь таныг их ядраана. Өмнө нь харьцаж байсан хүмүүс ч илүү төвөгтэй санагдаж мэдэхээр байна. Орчин тойрондоо асуудал тарьж, харилцааны тал дээр зөрчил үүсэж магадгүй. Эрч хүч тань ч мэдэгдэхүйц буурах бололтой. Аливаа сөрөг, таагүй үйл явдлаас зайлсхийхийг зөвлөж байна.
Жинлүүр: Мөнгө төгрөгийн тал дээр үрэлгэн ханддаг хүмүүс илүү бодлоготой байх хэрэгтэй. Санхүүгийн асуудал гаргахгүйн тулд шинэ ажил эсвэл томоохон үйл ажиллагаа сэдэх хэрэггүй. Удахгүй бодож санасан зүйлдээ хүрэх боломж бололцоо таны өмнө гарч ирнэ. Цаг нь иртэл хүлээх хэрэгтэй бөгөөд олдсон боломжийг харин алдаж болохгүй.
Хилэнц: Өнөөдөр өмнөхөөс илүү хэцүү сорилт, шалгалтыг давах шаардлага гарч ирнэ. Зориг тэвчээртэй бөгөөд тайван амгалан байдал нь таны буруу хийснээ залруулах, зорилгоо биелүүлэх зэрэгт туслах болно. Мэргэжлийн ажлын хүрээнд гаднын нөлөөг багасгах хэрэгтэй байна. Аливаа асуудлыг сайн дүгнэж байж, шийдвэрээ гаргаарай.
Нум: Таны мөрөөдөл бусдын үйл хэрэгтээ нийцэх эсэхээс хамаарч түүнийгээ биелүүлэх хүсэл төрж магадгүй. Таны хувьд өмнө хийж байгаагүй зоригтой алхмаа хийнэ. Ганц бие хүмүүс олон хүнтэй уулзах боломжтой үдэшлэг, үзвэрт оролцож магадгүй. Тэд шинэ хүнтэй танилцах, хосоо олж авахын тулд их хичээл зүтгэл гаргах хэрэгтэй болно.
Матар: Таны амьдралд сайхан дурсамж үлдээх дурсгалтай өдрүүдийн нэг байх болно. Үйл явдлын өрнөл нь таны хувьд илүү сонирхолтой байх нь чухал болно. Урлагийн хүмүүсийн хувьд таатай өдөр байна. Өмнөө тавьсан зорилгодоо хүрэх боломж гарах бололтой. Эрч хүчтэй бөгөөд бусдыг татах чадвар өндөр байна.
Хумх: Үнэнч шударга хандлага зонхилно. Өргөн цар хүрээтэй аливаа асуудлыг дүгнэх чадвар нь таны нэр хүнд өсөж, хүмүүсийн итгэлийг олж авахад тусална. Өөртөө хэт их ачаалал өгсний хэрэггүй. Эмх цэгцтэй байх нь нөхцөл байдлыг зөв үнэлж дүгнэх боломж олгоно. Гэр бүлд таагүй уур амьсгал бүрдэх асуудал гарч мэднэ.
Загас: Хүсэн хүлээж байсан үр дүн, ашиг орлогоо олоход ойрхон байна. Шинэ зүйлийг эхлэхэд тийм ч амар биш байдгийг санах хэрэгтэй. Мөн амьдрал бол тэмцэл гэдэг үгийг мартаж болохгүй. Хэрэв танд амьдралаа өөрчлөх онцгой төлөвлөгөө байгаа бол түүнийгээ аажим аажмаар хэрэгжүүлээрэй.
