Дорноговь аймгийн Замын-Үүд сум дахь Хилийн цэргийн 0108 дугаар ангийн хариуцсан хэсэг, авто замын боомтын ачаа тээврийн цогцолборын гарах чиглэлд 2024 оны 10 дугаар сарын 12-ны өдөр Монгол Улсын иргэн Б.Б нь улсын хилээр нэвтрүүлэхийг хориглосон 30,5 кг байгалийн чулуу, 0,5 кг эртний эд зүйлийг ачааны автомашинд нууж, хууль бусаар нэвтрүүлэхийг завдсан үйлдлийг хилчид албаны ур чадвар гарган илрүүллээ. Тухайн эд зүйлийг хураан авч, хуулийн дагуу холбогдох байгууллагад шилжүүлсэн байна.
