Дөрвөн жилд нэг удаа зохион байгуулагддаг MEMORIAD World Mental Sports Olympics (Memory, Mental Calculation and Speed Reading) буюу Оюуны олимп АНЭУ-ын Дубай хотод зохион байгуулагдаж байна.
Тус тэмцээнд Монгол Улсаас цээж бодолт болон ой тогтоолтын нийт 16 тамирчин багш дасгалжуулагч Х.Хатанбаатар, Б.Баасандорж, Ө.Сэнгэсамдан, Д.Баяраа нарын хамт оролцож байна.
Ой тогтоолтын Их Мастер Э.Үүрийнцолмон "Хоёртын тоолол" төрөлд 5 минутад 1599 цифр цээжилж, алдаагүй санаснаар "Оюуны Олимп"-ын рекордыг шинэчлэн тогтоож энэ үзүүлэлт нь "Гиннесийн Рекорд" болон бүртгэгдэхээр боллоо.
"Хоёртын тоолол" төрөл нь монголчуудын нэрийн хуудас болсон төрөл бөгөөд нас, насны ангилалд эхний байруудыг тэргүүллээ.
Насанд хүрэгчдийн ангилал:
Алтан медаль - Э.Үүрийнцолмон - 1599 цифр
Мөнгөн медаль - Ц.Оюун-Эрдэнэ - 1382 цифр
Хүрэл медаль - О.Наранзул - 1353 цифр
Бага насны ангилал:
Алтан медаль - М.Гэгээн-Оюун - 873 цифр
Мөнгөн медаль - Т.Тунгалагжаргал - 786 цифр
Хүрэл медаль - О.Ирмүүн - 570 цифр
Дашрамд дурдахад Э.Үүрийнцолмон нь 2022 онд бага насны Улсын Аварга, Дэлхийн Аварга, 2023 онд Өсвөрийн Дэлхийн Аварга, 2024 онд Улсын Аварга, Дэлхийн 4 рекордыг эзэмшиж байна.
Ийнхүү Э.Үүрийнцолмон нь хамгийн залуу "Олимпын Аварга" хамгийн залуу "Олимпын Рекорд" эзэмшигч, хамгийн залуу "Гиннесийн Рекорд" эзэмшигч боллоо.
