УИХ дахь МАН-ын бүлгийн ээлжит бус хуралдаанаар Засгийн газраас өргөн барьсан дараах хуулийн төслүүдийг хэлэлцэн үзэл баримтлалын хүрээнд дэмжиж, Байнгын хороо болон чуулганы нэгдсэн хуралдаанаар яаралтай горимоор хэлэлцэх нь зүйтэй гэж үзлээ.
Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төсөл;
Монгол Улсын 2025 оны төсвийн тухай, Нийгмийн даатгалын сангийн 2025 оны төсвийн тухай хуульд өөрчлөлт оруулах тухай, Эрүүл мэндийн даатгалын сангийн 2025 оны төсвийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд.
