Монгол Улсын эдийн засагт тодорхой үүрэг гүйцэтгэдэг Эрдэнэт ТӨУҮ-ээс Эрдэнэт машин цогцолбор төслийг хэрэгжүүлэхээр төлөвлөж байна. "Монгол Улсын машин механизмын үйлдвэрлэлийн үндэс суурийг тавих өндөр амбицтай ажиллаж байна" гэж Эрдэнэт үйлдвэрийн ерөнхий захирал Г Ёндон форумыг нээж хэлсэн үгэндээ онцоллоо.
Тус цогцолборыг 1217 га газарт байгуулах бөгөөд 36 сарын хугацаанд бүтээн байгуулалтыг өрнүүлж ашиглалтад оруулна гэж тооцжээ.
Мөн ачааны 500 вагон, жижиг оврын ачааны машин 10000 хүртэл, автобус 500-г үйлдвэрлэх хүчин чадалтай үйлдвэр гэдгийг танилцууллаа.
Зам, тээвэр хөгжлийн яам энэхүү форумыг санаачилж, МҮХАҮТ хамтран зохион байгуулж байна.
