Засгийн газрын хуралдаанаар цахим мөрийтэй тоглоомын талаар хэлэлцжээ. Засгийн газрын хуралдааны дараа ЗГХЭГ-ын дарга Н.Учрал гаргасан мэдээлэлдээ энэ салбард хамгийн их анхаарал татаж буй хэд хэдэн асуудлыг онцоллоо.
Н.Учрал хэлэхдээ, санхүүгийн мөрдөн шалгах ажиллагаагаар 18-39 насны бүлгийн 47,7% нь цахим мөрийтэй тоглоомтой холбогдож, гадаад улс руу нийтдээ 1,7 их наяд төгрөг буюу 500 сая ам.доллар шилжсэн гэж үзжээ. Үүнээс 1xbet гэх цахим өрөөтэй тоглоомын компани Монголд зар сурталчилгаа явуулах нэрээр 976 сая доллар шилжүүлсэн байна. Түүний хэлсэнчлэн, гадагшаа урсаж байгаа мөнгөний хэмжээ нэг талаас эдийн засагт нөлөөлж, төрийн хяналтаас гадуур явагдаж байгаа ажиллагаа юм.
Н.Учрал хэлэхдээ, цахим мөрийтэй тоглоомыг дэмжих бүхий л агентууд болон зуучлагчдыг хуулиар бүрэн хориглохоор Их Хуралд өргөн мэдүүлэхээр шийдвэрлэсэн тухай мэдээлсэн. Цахим мөрийтэй тоглоомын үйл ажиллагааг хязгаарлах, шаардлагатай өөрчлөлтүүдийг хийснээр энэ чиглэлээр үүсч буй хууль зөрчсөн үйлдлийг шийдвэрлэх боломж бүрдэх аж. Үүнд эрүүгийн хариуцлага ч хүлээлгэхээр болсныг мэдэгдлээ.
ЗГХЭГ-ын дарга мөн "Энэ хууль батлагдсанаар бид цахим мөрийтэй тоглоомын аппликэйшнүүдийг бүхэлд нь хураах, мөн тэдгээрийг татан буулгах шаардлага тавьж буй" гэж хэлсэн. Тухайлбал, App Store, IOS, Meta компаниудыг хуулиар шаардлага тавьж, тэдгээр платформоос цахим мөрийтэй тоглоомын бүх аппликэйшнүүдийг хасах чиглэлийг өгнө гэдгээ мөн тэмдэглэсэн.
Цахим мөрийтэй тоглоомын үйлчилгээ явуулж байгаа бүх агентуудын үйл ажиллагааг хязгаарлах хуулийн хүрээнд Зөрчлийн хууль, Эрүүгийн хуулиуд болон Банкны тухай хуульд нэмэлт, өөрчлөлт оруулах замаар хариуцлага чангатгагдах болно. Засгийн газар мөн цахим мөрийтэй тоглоомын орлого, ашигт малтмалын шилжилт хөдөлгөөнд хязгаарлалт тавих талаар мэдээлжээ. Энэ хүрээнд мөн гадаад валютын урсгалд хяналт тавих боломж бүрдэнэ.
