АДМИН
Өчигдөр буюу гуравдугаар сарын 3-ны өдөр "Ноёд" группын Ерөнхий захирал Г.Буяндорж түүний гэргий МУГЖ Т.Ариунаа нар прокуроруудын хууль бус шийдвэрүүдийн улмаас 10 гаруй жил хэлмэгдсэн, 25 тэрбум төгрөгөө алдсан тул суулт хийж эсэргүүцэл илэрхийлж байгаагаа мэдэгдсэн. Тэд гурван шаардлагыг Улсын прокурорын ерөнхий газарт хүргүүлсэн бөгөөд 72 цагийн хугацаанд хариу өгөөгүй тохиолдолд тэмцлийн хурц хэлбэр болох өлсгөлөн зарлахаа мэдэгдсэн. Ард иргэдийн хувьд ч хамтдаа шударга ёсны төлөө тэмцэнэ гэдгээ илэрхийлсэн юм.
Мөн дуучин Д.Уламбаяр /Ука/, М.Нарантуяа, С.Сэрчмаа, МУГЖ Т.Сарантуяа, УИХ-ын гишүүн асан, МУГЖ С.Жавхлан, МУГЖ З.Жарантав, Монгол Улсын Урлагын гавьяат зүтгэлтэн Д.Ухнаа гээд олон уран бүтээлчид хүрэлцэн ирж, дуу хоолойгоо нэгтгэн МУГЖ Т.Ариунаад сэтгэлийн дэм өгсөөр байна.
|
Нийгэм
